APA-nın sessiyasında Antalya Bəyannaməsi qəbul edilib
Xəbər verdiyimiz kimi, Milli Məclisin sədri Sahibə Qafarovanın rəhbərliyi ilə parlament nümayəndə heyəti Asiya Parlament Assambleyasının (APA) 13-cü plenar sessiyasında iştirak etmək üçün Türkiyənin Antalya şəhərinə işgüzar səfər edib.
YeniAvropa xəbər verir ki, səfər çərçivəsində Azərbaycan parlament nümayəndə heyətinin üzvləri – Milli Məclisin Mədəniyyət komitəsinin sədri Qənirə Paşayeva, deputatlar Aydın Hüseynov, İlham Məmmədov və Anar Məmmədov APA-nın daimi komitələrinin iclaslarında və plenar sessiyada iştirak ediblər.
Deputatlarımızın iştirakı ilə keçirilən Sosial və Mədəni məsələlər üzrə Daimi Komitənin iclasında “Asiyada mədəni müxtəlifliyin təşviqi və mədəni dəyərlərin qorunması ilə bağlı tədbirlər haqqında”, “İnformasiya və kommunikasiya texnologiyaları vasitəsilə Asiyada inteqrasiya prosesləri haqqında”, “Asiyada səhiyyə sahəsində bərabərliyin təmin edilməsi üzrə əməkdaşlıq haqqında”, “Asiya parlamentariləri korrupsiyaya qarşı”, “Asiya Parlamentlərarası Assambleyası qadın parlamentariləri haqqında” və bir sıra digər məsələlər haqqında qətnamə layihələri müzakirəyə çıxarılıb.
Assambleyanın Siyasi məsələlər üzrə daimi komitəsinin iclasında isə “Asiya Parlamentinə doğru”, “Yaxşı idarəetmə haqqında”, “Qanunun aliliyi və məhkəmə hakimiyyəti haqqında”, “Yaxşı parlament təcrübələri” və digər məsələlər haqqında qətnamə layihələrinə dair müzakirələr aparılıb.
Assambleyanın İqtisadiyyat və Davamlı inkişaf üzrə daimi komitəsinin iclasında isə “Enerji bazarının yaradılması və ekoloji məsələlər”, “Maliyyə məsələləri və yoxsulluğun aradan qaldırılması”, “Davamlı inkişaf məqsədinin həyata keçirilməsinə dəstəkdə APA parlamentarilərinin rolu” və bir sıra digər məsələlər haqqında qətnamə layihələri ilə bağlı müvafiq qərarlar qəbul edilib.
Azərbaycan parlament nümayəndə heyətinin üzvləri daimi komitələrdə müzakirə olunan mövzularla bağlı müvafiq çıxışlar edib və təkliflərini səsləndiriblər.
Milli Məclisin Mədəniyyət komitəsinin sədri Qənirə Paşayeva APA-nın Sosial və mədəni məsələlər üzrə daimi komitəsinin sədri və təşkilatın fəaliyyətdə olan sədrinin müavini vəzifəsinə seçilib.
Qeyd edək ki, plenar sessiya Antalya Bəyannaməsinin qəbulu ilə öz işini başa çatdırıb.
Si Cinpin-Blinken görüşü gərgin keçib
İlham Əliyev: Sülhə nail olmaq üçün çox yaxşı fürsətlər var
Azərbaycan-Ermənistan sülh danışıqlarını yüksək qiymətləndiririk-Prezident
“Ehtiyat zabit hazırlığı kursu”na növbəti qəbul başlayır
Minifutbol millimizə yeni idman direktoru təyin edilib
Azərbaycan Avropa üçün həm də yaşıl enerji təchizatçısı olacaq-İlham Əliyev
"Günəşli"də neft hasilatı dayandırılıb?
Sabah Bakıda 29° isti olacaq
Berlində Azərbaycan və Almaniya liderlərinin təkbətək görüşü olub
Avropa Parlamentinin qətnaməsində Azərbaycanla bağlı vəziyyət açıq şəkildə təhrif edilib-XİN
Türkiyə-Rusiya Birgə Monitorinq Mərkəzi vəzifəsinin öhdəsindən layiqincə gəlib-Kərim Vəliyev
Bakıda “Qida Təhlükəsizliyi” simpoziumu keçirilib
Uzun illər Avropa bazarlarına nəql ediləcək neft-qaz resurslarımız var
Naxçıvanda QHT-lərin IV İnkişaf və Mübadilə Proqramı keçiriləcək
Türkiyə-Rusiya Birgə Monitorinq Mərkəzinin bağlanış mərasimi keçirilib
İlham Əliyev Berlində “15-ci Petersberq İqlim Dialoqu”nun Yüksək Səviyyəli seqmentində iştirak edib
AFFA “Neftçi”nin şikayətini təmin etməyib
Astanada ŞƏT ölkələri müdafiə nazirlərinin görüşü keçirilir
Xəzərdə “Dalğa-2024” birgə taktiki təlimi başa çatıb
Avropa çempionatı:Bu gün 3 cüdoçumuz mübarizəyə qoşulur
Daha 39 ailə Füzuliyə köçürülüb
Azərbaycan nefti 88,90 dollara satılır
Nazir və komitə sədrlərinin may ayında vətəndaşların qəbulu CƏDVƏLİ
Astarada avtoxuliqanlıq edən sürücülər həbs olunub
Almaniya Azərbaycanı COP29-da dəstəkləməyə hazırdır