logo

Yevlaxın həbsdə olan sabiq icra başçısı 4-cü dəfə əməliyyat olundu

14:14 11-11-2022 | icon 728
Yevlaxın həbsdə olan sabiq icra başçısı 4-cü dəfə əməliyyat olundu

Yevlax şəhər İcra Hakimiyyətinin həbsdə olan sabiq icra başçısı Qoca Səmədov dördüncü dəfə ürək və boyun damarlarından əməliyyat olunub.

YeniAvropa xəbər verir ki, bu barədə onun vəkili Elnur Vəliyev məlumat verib.

Onun sözlərinə görə, Mərkəzi Gömrük Hospitalında əməliyyat edilən keçmiş icra başçısının hazırda vəziyyəti yaxşı deyil: "Qoca Səmədovun ürəyinə stent qoyulub və ürək damarlarından əməliyyat edilib".

Xatırladaq ki, Q.Səmədov daha əvvəl ürəyindən üç dəfə əməliyyat olunmuşdu.

Qeyd edək ki, 2019-cu ilin noyabr ayınadək Yevlax Şəhər İcra Hakimiyyətinin başçısı vəzifəsində işləmiş Q.Səmədov Dövlət Təhlükəsizliyi Xidmətinin keçirdiyi əməliyyat zamanı saxlanılıb.

Şəki Ağır Cinayətlər Məhkəməsinin hökmü ilə o, 7 il 3 ay müddətinə azadlıqdan məhrum edilib. Hökmdən narazı qalan məhkum apellyasiya şikayəti verib. Şəki Apellyasiya Məhkəməsinin qərarına əsasən, Q.Səmədovun cəzası 6 ilə endirilib.