Azərbaycanın öz torpaqlarını işğaldan azad etməsi ilə Qafqazda yeni dövrə qədəm qoymuşuq.
YeniAvropa xəbər verir ki, bunu Türkiyə prezidenti Rəcəb Tayyib Ərdoğan Çankaya köşkündə Avropa İttifaqı (Aİ) ölkələrinin Türkiyədə akkreditasiya olunmuş səfirlərinin toplantısındakı çıxışında deyib.
Türkiyənin Ermənistanla münasibətləri normallaşdırmaq üçün proseslərə başladığını diqqətə çatdıran prezident Rəcəb Tayyib Ərdoğan deyib: “Atılan addımların gözlənilən nəticələri verməsi üçün Ermənistanın bölgədə yaranmış sülh fürsətini yaxşı dəyərləndirərək Azərbaycanla faydalı əlaqələr qurması mühüm əhəmiyyət kəsb edir”.
Çıxışında Türkiyə-Avropa İttifaqı münasibətlərinə də geniş yer ayıran prezident Rəcəb Tayyib Ərdoğan ölkəsinin xarici siyasətinin ayrı-ayrı istiqamətlərinə toxunub, qonşu dövlətlərlə münasibətlərindən danışıb və dünyadakı ikili standartların davam etməsindən təəssüfünü bildirib.
1435
1435
