Prezident İlham Əliyev yanvarın 8-də Vidadi Babanlının ordenlə təltif edilməsi haqqında sərəncam imzalayıb.
YeniAvropa xəbər verir ki, bu barədə prezidentin mətbuat xidməti məlumat yayıb.
Sərəncamda deyilir:
"Azərbaycan ədəbiyyatının inkişafında böyük xidmətlərinə görə Vidadi Yusif oğlu Babanlı “Şərəf” ordeni ilə təltif edilsin".
Qeyd edək ki, nasir, şair, tərcüməçi Vidadi Babanlı 5 yanvar 1927-ci ildə Qazax rayonunun Şıxlı kəndində anadan olub. 1954-cü ildən Azərbaycan Yazıçılar Birliyinin üzvü, Azərbaycanın əməkdar incəsənət xadimi , Prezident təqaüdçüsüdür.