Ermənistan hərbçiləri NATO-nun Gürcüstanda planlaşdırılan təlimlərinə qatılmayacaqlar.
YeniAvropa xəbər verir ki, bu barədə Müdafiə Nazirliyindən “Sputnik Armeniya”ya bildirilib.
Qeyd edək ki, çoxmillətli hərbi təlim olan "Agile Spirit 2021" 26 iyul - 6 avqust tarixlərində keçiriləcək. Bir müddət öncə isə NATO-nun mətbuat xidməti təlimlərdə Gürcüstan və ABŞ-la yanaşı, 13 NATO ölkəsindən, alyansın tərəfdaş dövlətlərindən, o cümlədən Türkiyə ilə Azərbaycandan olan hərbçilərin iştirak edəcəyinin planlaşdırıldığını açıqlayıb.
Xatırladaq ki, əvvəlki illərdə Ermənistan dəfələrlə NATO-nun Gürcüstan ərazisində keçirdiyi hərbi təlimlərdə iştirak edib.
3682
3682
