Sahibə Qafarova: İƏT PA-nın II Ümumi Konfransı çox uğurlu keçdi
Milli Məclisin sədri Sahibə Qafarova Pakistan İslam Respublikasına səfəri çərçivəsində iyunun 2-də İqtisadi Əməkdaşlıq Təşkilatı Parlament Assambleyasının (İƏT PA) İslamabadda keçirilən İkinci Ümumi Konfransında yekun çıxış edib.
Parlamentin Mətbuat və ictimaiyyətlə əlaqələr şöbəsindən YeniAvropa-ya bildirilib ki, Milli Məclisin sədri çıxışında konfransı İƏT PA-nın hədəfləri baxımından çox səmərəli və uğurlu hesab etdiyini diqqətə çatdırıb. Sahibə Qafarova belə yüksək səviyyəli tədbirin keçirilməsinə və göstərilən qonaqpərvərliyə görə Pakistan parlamentinin sədri Əsəd Qeysərə və Katibliyin üzvləri də daxil olmaqla, Pakistan parlamentinin bütün üzvlərinə təşəkkür edib. O, həmçinin Əfqanıstandan olan həmkarını bu ölkənin İqtisadi Əməkdaşlıq Təşkilatı Parlament Assambleyasının növbəti - üçüncü Ümumi Konfransına ev sahibliyi etmək qərarı münasibətilə təbrik edib, həmkarına növbəti konfransda uğurlar arzulayıb.
Milli Məclisin sədri bildirib ki, İkinci Ümumi Konfrans parlamentlərimizin İƏT-ə üzv ölkələr arasında inteqrasiya proseslərinə daha çox dinamizm verilməsinin zəruriliyinə dair ortaq mövqelərini müəyyənləşdirmək baxımından çox əhəmiyyətli oldu. Konfransın nəticələri təşkilat üzvlərinin bölgələrimizdəki tərəfdaşlıq və əməkdaşlıq proseslərini inkişaf etdirmək əzmində olduqlarını bir daha nümayiş etdirdi.
Milli Məclisin sədri konfrans çərçivəsində parlament nümayəndə heyətləri arasında keçirilmiş görüşlərdən məmnunluğunu ifadə edib. Bildirib ki, iki gün ərzində davamlı inkişaf məqsədləri, ticarət və qarşılıqlı əlaqələr, turizm sahəsində əməkdaşlıq, yoxsulluğun azaldılması, siyasətdə qadınlar, iqlim dəyişiklikləri, COVID-19 qlobal pandemiyasına qarşı mübarizədə birgə səylərin gücləndirilməsi, eləcə də hamını maraqlandıran müxtəlif mövzularda dərin və əhatəli müzakirələr aparıldı.
Milli Məclisin sədri yekun nitqinin sonunda gələcəkdə ölkələrimizin daha da inkişafı və xalqlarımızın rifahı üçün yeni fürsətlərin yaranacağına əminliyini bildirib, təşkilat üzvlərinə gələcək işlərində uğurlar arzulayıb.
Tədbirdə İkinci Ümumi Konfransın yekunlarına dair İslamabad Bəyannaməsi imzalanıb.
Si Cinpin-Blinken görüşü gərgin keçib
İlham Əliyev: Sülhə nail olmaq üçün çox yaxşı fürsətlər var
Azərbaycan-Ermənistan sülh danışıqlarını yüksək qiymətləndiririk-Prezident
“Ehtiyat zabit hazırlığı kursu”na növbəti qəbul başlayır
Minifutbol millimizə yeni idman direktoru təyin edilib
Azərbaycan Avropa üçün həm də yaşıl enerji təchizatçısı olacaq-İlham Əliyev
"Günəşli"də neft hasilatı dayandırılıb?
Sabah Bakıda 29° isti olacaq
Berlində Azərbaycan və Almaniya liderlərinin təkbətək görüşü olub
Avropa Parlamentinin qətnaməsində Azərbaycanla bağlı vəziyyət açıq şəkildə təhrif edilib-XİN
Türkiyə-Rusiya Birgə Monitorinq Mərkəzi vəzifəsinin öhdəsindən layiqincə gəlib-Kərim Vəliyev
Bakıda “Qida Təhlükəsizliyi” simpoziumu keçirilib
Uzun illər Avropa bazarlarına nəql ediləcək neft-qaz resurslarımız var
Naxçıvanda QHT-lərin IV İnkişaf və Mübadilə Proqramı keçiriləcək
Türkiyə-Rusiya Birgə Monitorinq Mərkəzinin bağlanış mərasimi keçirilib
İlham Əliyev Berlində “15-ci Petersberq İqlim Dialoqu”nun Yüksək Səviyyəli seqmentində iştirak edib
AFFA “Neftçi”nin şikayətini təmin etməyib
Astanada ŞƏT ölkələri müdafiə nazirlərinin görüşü keçirilir
Xəzərdə “Dalğa-2024” birgə taktiki təlimi başa çatıb
Avropa çempionatı:Bu gün 3 cüdoçumuz mübarizəyə qoşulur
Daha 39 ailə Füzuliyə köçürülüb
Azərbaycan nefti 88,90 dollara satılır
Nazir və komitə sədrlərinin may ayında vətəndaşların qəbulu CƏDVƏLİ
Astarada avtoxuliqanlıq edən sürücülər həbs olunub
Almaniya Azərbaycanı COP29-da dəstəkləməyə hazırdır