Gürcüstanın paytaxtı Tbilisinin teleqülləsi və şəhər şurasının binası Azərbaycan bayrağının rəngləri ilə işıqandırılıb.
YeniAvropa yerli mətbuata istinadla xəbər verir ki, şəhərin əsas simvollarından biri olan teleqüllə 28 May - Azərbaycanın Respublika Günü münasibətilə göy, qırmızı və yaşıl rənglərdə işıq saçır.
Azərbaycan bayrağı işıqlarla Azadlıq meydanında yerləşən Tbilisi şəhər Şurasının (sakrebulo) binası üzərində də əks etdirilib.