logo

Göyçayda avtomobil su kanalına aşdı, 6 nəfər xəsarət alıb

19:33 21-02-2021 | icon 273
Göyçayda avtomobil su kanalına aşdı, 6 nəfər xəsarət alıb

Göyçayda 6 nəfərin xəsarət alması ilə nəticələnən yol qəzası baş verib.

YeniAvropa xəbər verir ki, hadisə günorta saatlarında Bakı-Şamaxı-Yevlax avtomobil yolunun 200 kilometrliyində, rayonun Qarayazı kənd ərazində qeydə alınıb.

Göyçay rayon Bəydövül kənd sakini idarə etdiyi minik maşını ilə Göyçaydan Qarəməryam istiqamətində hərəkətdə olarkən idarəetməni itirib və nəticədə maşın yol kənarında olan su kanalına aşıb.

Qəza nəticəsində yararsız hala düşmüş maşında sürücü ilə bərabər 6 nəfər sərnişin də müxtəlif dərəcəli bədən xəsarətləri alıb. Yaralılar dərhal təcili tibbi yardım avtomobili ilə Göyçay rayon mərkəzi xəstəxanasına aparılıb.

Qeyd edək ki yaralıların ikisi azyaşlı uşaqdır.

Hadisə ilə bağlı yol polisi tərəfindən araşdırma aparılır.