logo

Meriya qərarını dəyişdi: Namizədləri mitinq üçün Lokbatana göndərdi

19:10 12-02-2020 | icon 217
Meriya qərarını dəyişdi: Namizədləri mitinq üçün Lokbatana göndərdi

Bakı şəhər İcra Hakimiyyəti (BŞİH) "Müsavat" və "REAL" partiyaları, "D 18" hərəkatı və  bir neçə müstəqil namizədlərin  seçki saxtakarlığına etiraz mitinqlə bağlı müraciətinə yenidən baxıb.

YeniAvropa xəbər verir ki, bu barədə BŞİH-nə istinadla  "virtualaz.org" məlumat yayıb. Məlumata görə, bu dəfə mitinqin fevralın 16-da saat 15:00-dan 17:00-dək Lökbatan qəsəbəsi, 28 May küçəsi, "Neftçi" İdman Klubunun Qaradağ təlim idman bazasında keçirilməsi təklif edilib: "Bakı Şəhər İcra Hakimiyyətinə daxil olmuş 11 fevral 2020-ci il tarixli müraciətə tərəfimizdən yenidən baxılıb. Mövcud qanunvericiliyin tələblərinə uyğun olaraq, müraciət 5 iş günü əvvəl təqdim olunmalı olduğu halda 4 iş günü əvvəl təqdim olunub. Bu da mövcud qanunvericiliyin tələblərinin pozulması deməkdir və müraciətin baxılmamasına əsas verir. Buna görə müvafiq şöbə tərəfindən qanunvericiliyə uyğun olaraq məsələyə baxılması məqsədəuyğun hesab edilməyib. Bakı Şəhər İcra Hakimiyyətinin Aparat rəhbərliyi müraciətçilərin istək və arzularını nəzərə alaraq, bu məsələyə yenidən baxıb.

Müəyyən edilən ərazi əhalinin daha sıx hərəkətdə olduğu metro çıxışı olduğu üçün toplantıda iştirak etməyən digər insanların sərbəst hərəkətinin, metropolitenin iş ahənginin təmin edilməsində problemlər yaradacaq. Alternativ yer olaraq mitinqin 16 fevral 2020-ci il tarixdə, saat 15:00-dan – 17:00-dək Qaradağ rayonu, Lökbatan qəsəbəsindəki 28 may küçəsi “Neftçi İdman Klubu İctimayi Birliyinin Qaradağ təlim-idman bazasında” keçirilməsini təklif edirik".

Xatırladaq ki, "Müsavat" və "REAL" partiyaları, "D 18" hərəkatı və bir neçə müstəqil namizədlər BŞİH-ə seçki saxtakarlığına qarşı Bakı şəhərində "28 May" metrostasiyasının qarşısındakı meydanda (Cəfər Cabbarlı heykəlinin qarşısı) mitinq keçirilməsi üçün müraciət ediblər.