Sosial-Demokrat partiyasının namizədi Zoran Milanoviç Xorvatiyada keçirilən Prezident seçkilərində qalib gəlib.
YeniAvropa xarici KİV-ə istinadla xəbər verir ki, bu barədə Xorvatiya Dövlət Seçki Komissiyası məlumat yayıb. Bildirilib ki, Sosial-Demokrat müxalifət partiyasının namizədi Zoran Milanoviç seçicilərin 52,92 faiz səsini qazanaraq Xorvatiyada keçirilən prezident seçkilərinin ikinci turunda qalib gəlib. Hazırki ölkə prezidenti Kolinda Qrabar-Kitaroviç seçicilərin yalnız 47,08 faiz səsini qazana bilib.
Seçkidə 3,85 milyon seçici iştirak edib. Bunlardan 177 mini xaricdə yaşayan xorvatlardır.