logo

“Qarabağ”ın iki futbolçusu UEFA Avropa Liqasının rəmzi komandasında yer alıb

19:47 25-10-2019 | icon 294
“Qarabağ”ın iki futbolçusu UEFA Avropa Liqasının rəmzi komandasında yer alıb

UEFA Avropa Liqasının qrup mərhələsinin üçüncü turunun oyunlarından sonra həftənin komandası açıqlanıb.

YeniAvropa UEFA-nın saytına istinadla xəbər verir ki, rəmzi “11-lik”də “Qarabağ”ın doğma meydanda APOEL-lə 2:2 hesabı ilə heç-heçə etdiyi oyunda 1 qol və eyni sayda məhsuldar ötürmə ilə fərqlənən yarımmüdafiəçisi Dani Kintana və bir qolun müəllifi olan müdafiəçisi Ailton Silva da yer alıb. APOEL klubunda isə Nikolas İonnau və Linus Hallenius fərqləniblər.

Rəmzi komandada Matvey Safonov (“Krasnodar”, Rusiya), Artem Şabanov (“Dinamo Kiyev”, Ukrayna), Oven Vijndal (“Az Alkmar”, Niderland), Serxio Eskudero (“Sevilya”, İspaniya), Ailton Silva (“Qarabağ”, Azərbaycan), Teun Koopmeiners (“Az Alkmar”, Niderland), Dani Kintana (“Qarabağ”, Azərbaycan), Franko Vazquez (“Sevilya”, İspaniya), Nikolas Pepe (“Arsenal”, İngiltərə), Oussama İdrissi (“Az Alkmar”, Niderland) və Roman Yaremçuk (“Gent”, Belçika) yer alıblar.