Rumıniyada təhlükəli qrip epidemiyası yayılıb. Bu barədə ölkənin səhiyyə naziri Sorina Pıntya mətbuat konfransında deyib.
YeniAvropa xarici KİV-lərə istinadla xəbər verir ki, qrip bütün ölkə ərazisində müxtəlif intensivliklə yayılır.
Rumıniyanın Səhiyyə Nazirliyi əvvəlcədən qripə qarşı vaksinlər alıb və onun bütün ölkə üçün kifayət edəcəyi bildirilir.
Nazirlik, həmçinin vətəndaşları əlavə təhlükəsizlik tədbirləri görməyə - ilk simptomlar zamanı həkimə müraciət etməyə, virusa yoluxan ailə üzvlərini təcrid etməyə, gigiyenaya əməl etməyə, qoruyucu maskalar taxmağa və qrip əleyhinə peyvənd olunmağa çağırıb.
Qeyd edək ki, yanvarın əvvəlindən bəri Rumıniyada qrip virusundan 54 nəfər dünyasını dəyişib.
2905
2905
