Türkiyə prezidenti Rəcəb Tayyib Ərdoğanın yaxın vaxtlarda Rusiyaya səfəri planlaşdırılıb.
YeniAvropa xəbər verir ki, bu barədə "RİA Novosti" agentliyi məlumat yayıb. Xəbərdə hazırda diplomatik kanallar vasitəsilə səfərin tarixinin dəqiqləşdirildiyi bildirilib.
Xatırladaq ki, ötən ay Türkiyə prezidenti KİV-ə müsahibəsində yanvarın ilk həftəsində Moskvaya səfər edəcəyini və rusiyalı həmkarı ilə görüşərək Suriyadakı vəziyyəti müzakirə edəcəyini bildirmişdi.
Bunun ardından isə Moskvada Türkiyə prezidenti Rəcəb Tayyib Ərdoğan, onun rusiyalı həmkarı Vladimir Putin və İran prezidenti Həsən Ruhani arasında üçtərəfli görüş keçiriləcəyi haqda xəbərlər yayılmışdı.
Xatırladaq ki, İran, Türkiyə və Rusiya prezidentlərinin sonuncu zirvə görüşü sentyabrın 7-də Tehranda keçirilib.
2870
2870
