Pakistanin sabiq baş naziri Nəvaz Şərif məhkəmənin qərarından apellyasiya şikayəti verib
Pakistan məhkəməsi ötən il dekabrın sonunda ölkənin sabiq baş naziri Nəvaz Şərifə yeddi il həbs cəzası verdikdən və 2,5 milyon dollar cərimə kəsdikdən sonra o, apellyasiya şikayəti verib.
YeniAvropa xəbər verir ki, Antikorrupsiya Məhkəməsi Nəvaz Şərifi korrupsiya və çirkli pulların yuyulması ilə bağlı cinayət işinə görə təqsirkar bilib. Məhkəmə Nəvaz Şərifin cəzasını çəkdikdən sonra 10 il yüksək vəzifə tuta bilməməsi ilə bağlı da qərar qəbul edib.
Xatırladırıq ki, 2017-ci ilin iyul ayında Pakistanın Ali məhkəməsi Nəvaz Şərifi vəzifəsindən uzaqlaşdırıb.
Nəvaz Şərif Pakistanın baş naziri vəzifəsini üç dəfə - 1990-1993-cü, 1997-1999-cu və 2013-2017-ci illərdə tutub.
2772
2772
