Çexiya nümayəndə heyəti dekabrın 10-da Mərakeşdə keçirilən BMT-nin miqrasiya üzrə konfransınaa qatılmayıblar.
YeniAvropa xəbər verir ki, konfransda 164 ölkə BMT-nin miqrasiya üzrə Qlobal Sazişinin qəbul edilməsinin lehinə səs veriblər. Bununla belə, BMT-yə üzv daha 30 dövlət bu məsələdə Çexiya ilə həmrəy olduğunu bəyan edib.
Xatırladaq ki, rəsmi Praqa hələ bir ay bundan əvvəl BMT-nin miqrasiya üzrə Qlobal Sazişini dəstəkləməkdən imtina edəcəyini bəyan etmişdi. Çexiya XİN-in mətbuat üçün açıqlamasında deyilir: “Hazırda qəbul edilən sənəddə leqal və qeyri-leqal miqrasiyanı fərqləndirəcək dəqiq təsbit yoxdur”.
Qurumda belə hesab edirlər ki, qeyri-leqal miqrasiyanın arzuolunmaz hadisə olması barədə bənd Sazişdə öz əksini tapmayıb.
2786
2786
