Gürcüstanda prezident seçkilərinin qalibi ikinci turda məlum olacaq. İkinci tur isə dekabrın 2-dək keçirilməlidir.
YeniAvropa xəbər verir ki, bu barədə Gürcüstan Mərkəzi Seçki Komissiyası məlumat yayıb. Xəbərdə bildirilib ki, dairə seçki komissiyaları prezident seçkilərinin nəticələrini noyabrın 8-dək yekunlaşdırmalıdırlar. Son protokollar MSK-ya noyabrın 9-dan gec olmayaraq göndərilməlidir.
MSK-nın ilkin məlumatlarına əsasən, prezidentliyə namizəd Salome Zurabişvilinin lehinə 614 min 964 seçici səs verib və o, səslərin 38,66 faizini qazanıb. Onun əsas rəqibi Qriqol Vaşadze isə 599 min 662 səs toplamaqla 37,7 faizlə ikinci yerdədir.
Digər namizədlərdən David Bakradze 10,97 faiz, Şalva Natelaşvili 3,76 faiz, David Usupaşvili 2,26 faiz, Zurab Caparidze 2,26 faiz və Kaxa Kukava 1,33 faiz səs toplayıblar.
Qalan 16 namizədin hər biri isə 1 faizdən az səs toplayıblar.
2660
2660
