Oktyabrın 25-də Ukraynanın Odessa şəhərində dünya şöhrətli müğənni və bəstəkar, Azərbaycanın və SSRİ-nin Xalq artisti Müslüm Maqomayevin anım günü ilə bağlı konsert keçiriləcək.
YeniAvropa xəbər verir ki, Odessa şəhər filarmoniyasında keçiriləcək “Müslüm Maqomayevin xatirə gecəsi” adlı konsertdə Ukraynanın tanınmış müğənniləri, beynəlxalq müsabiqələrin laureatları, o cümlədən həmyerlimiz, Ukraynanın Xalq Artisti Qurban Abbasov dahi sənətkarımızın repertuarından mahnılar ifa edəcəklər.
Qeyd edək ki, oktyabr və noyabr aylarında Ukraynanın bir sıra şəhərlərində də Müslüm Maqomayevin xatirəsinə həsr olunmuş konsertlər, müsabiqələr keçirilməsi planlaşdırılıb.
4704
4704
