Azərbaycan-Ermənistan sülh müqaviləsinin imzalanmasından Avropa yalnız qazanar-Elçin Əmirbəyov
Estoniyanın “Err.ee” saytı Azərbaycan Prezidentinin xüsusi tapşırıqlar üzrə nümayəndəsi, səfir Elçin Əmirbəyovun "Ermənistan və Azərbaycan sülh müqaviləsini imzalasa, Avropa bundan yalnız qazanar”müsahibəsini dərc edib.
YeniAvropa xəbər verir ki, Elçin Əmirbəyov müsahibəsində Azərbaycanın ərazi bütövlüyünün bərpasından sonra gündəlikdə duran vəzifələr barədə sualı belə cavablandırıb: “Bu gün biz deyirik ki, bəli, ərazi bütövlüyümüz bərpa olunub, lakin, eyni zamanda, münaqişənin sona çatmasını rəsmiləşdirmək üçün sülh müqaviləsi bağlamaq vaxtı gəlib çatıb. Ola bilsin ki, bu, iki dövlətin dinc yanaşı yaşaması üçün lazımi şərait yaradacaq”.
Böyük Qayıdış Proqramı haqqında danışan E.Əmirbəyov qeyd edib ki, bununla bağlı keçirilmiş sorğuda keçmiş məcburi köçkünlərin mütləq əksəriyyəti işğaldan azad edilmiş ərazilərə qayıtmaq istədiklərini bildirib. Üstəlik, belə bir istəyi yalnız oradakı həyatlarını xatırlayanlar deyil, həm də gənc nəsil, yəni, o zaman etnik təmizləməyə məruz qalmış şəxslərin övladları və nəvələri ifadə ediblər.
“Üçtərəfli Bəyanatın imzalanmasından üç ildən çox vaxt keçib. Bu müddət ərzində doğma torpaqlarına qayıdan keçmiş məcburi köçkünlərin sayı 5 min nəfər təşkil edib. 2026-cı ilin sonuna qədər təxminən 140 min nəfərin həmin torpaqlara köçürülməsi planlaşdırılır. Əlbəttə ki, proses bununla bitməyəcək, o davam edəcək”, - deyə səfir vurğulayıb.
Müsahibədə E.Əmirbəyov sülh prosesinin tərkib hissəsi olan kommunikasiyaların açılması məsələsinə də toxunub. “Danışıqların əsas xətti sülh sazişinin mətninin razılaşdırılmasıdır. Burada kommunikasiyaların bərpası da daxil olmaqla, gələcək sülhün bütün əsas parametrləri göstərilib. Əsas trekdən əlavə, daha iki istiqamət var - kommunikasiyaların açılması, həmçinin Azərbaycan ilə Ermənistan arasında dövlət sərhədinin delimitasiyası, daha sonra isə demarkasiyası”, - deyə yazıda vurğulanıb.
Sülh sazişi üzrə danışıqlardan danışan xüsusi tapşırıqlar üzrə nümayəndə qeyd edib: “Ümid edirik ki, tezliklə danışıqların növbəti raundu keçiriləcək və Azərbaycan tərəfindən tərtib olunaraq Ermənistana təqdim edilmiş sülh sazişinin layihəsinin müzakirəsi bərpa olunacaq”.
Avropa İttifaqının Cənubi Qafqazdakı hazırkı vəziyyətdə, konkret olaraq Azərbaycan ilə Ermənistan arasında sülh prosesində rolunu qiymətləndirən Azərbaycan Prezidentinin xüsusi nümayəndəsi Aİ ölkələrinə müraciət edərək onları ölkəmizin sülh prosesini və Ermənistanla sülh sazişinin razılaşdırılmasını ən qısa zamanda başa çatdırmaq istəyini dəstəkləməyə çağırıb. Qeyd edilib ki, bu, düşmənçilik səhifəsini çevirməyə və bütün Cənubi Qafqazda tədricən normal həyatın başlamasına imkan verəcək. O, tərəfləri və bölgədə maraqlı olan tərəfləri bu perspektivə xələl gətirə biləcək hər cür hərəkət və ifadələrdən çəkinməyə çağırıb. “Düşünürəm ki, Ermənistan və Azərbaycan ən yaxın gələcəkdə sülh müqaviləsi imzalasa, Avropa bundan yalnız qazanar”, - deyə Elçin Əmirbəyov vurğulayıb.
Si Cinpin-Blinken görüşü gərgin keçib
İlham Əliyev: Sülhə nail olmaq üçün çox yaxşı fürsətlər var
Azərbaycan-Ermənistan sülh danışıqlarını yüksək qiymətləndiririk-Prezident
“Ehtiyat zabit hazırlığı kursu”na növbəti qəbul başlayır
Minifutbol millimizə yeni idman direktoru təyin edilib
Azərbaycan Avropa üçün həm də yaşıl enerji təchizatçısı olacaq-İlham Əliyev
"Günəşli"də neft hasilatı dayandırılıb?
Sabah Bakıda 29° isti olacaq
Berlində Azərbaycan və Almaniya liderlərinin təkbətək görüşü olub
Avropa Parlamentinin qətnaməsində Azərbaycanla bağlı vəziyyət açıq şəkildə təhrif edilib-XİN
Türkiyə-Rusiya Birgə Monitorinq Mərkəzi vəzifəsinin öhdəsindən layiqincə gəlib-Kərim Vəliyev
Bakıda “Qida Təhlükəsizliyi” simpoziumu keçirilib
Uzun illər Avropa bazarlarına nəql ediləcək neft-qaz resurslarımız var
Naxçıvanda QHT-lərin IV İnkişaf və Mübadilə Proqramı keçiriləcək
Türkiyə-Rusiya Birgə Monitorinq Mərkəzinin bağlanış mərasimi keçirilib
İlham Əliyev Berlində “15-ci Petersberq İqlim Dialoqu”nun Yüksək Səviyyəli seqmentində iştirak edib
AFFA “Neftçi”nin şikayətini təmin etməyib
Astanada ŞƏT ölkələri müdafiə nazirlərinin görüşü keçirilir
Xəzərdə “Dalğa-2024” birgə taktiki təlimi başa çatıb
Avropa çempionatı:Bu gün 3 cüdoçumuz mübarizəyə qoşulur
Daha 39 ailə Füzuliyə köçürülüb
Azərbaycan nefti 88,90 dollara satılır
Nazir və komitə sədrlərinin may ayında vətəndaşların qəbulu CƏDVƏLİ
Astarada avtoxuliqanlıq edən sürücülər həbs olunub
Almaniya Azərbaycanı COP29-da dəstəkləməyə hazırdır