Tacikistanın Hərbi Hava Qüvvələri avqustun 27-nə keçən gecə Əfqanıstanın şimal-şərqində yerləşən Tahar əyalətinin Darkad rayonuna zərbə endirib.
YeniAvropa "TASS" informasiya agentliyinə istinadla xəbər verir ki, hava zərbələri avqustun 26-da yerli narkotik ticarətçiləri ilə Tacikistan sərhədçiləri arasında baş verən toqquşmadan sonra endirilib. Atışma nəticəsində iki sərhədçinin həlak olduğu bildirilir.
Tacikistan hökuməti hələlik hadisə ilə bağlı rəsmi məlumat verməyib.
Bir qədər əvvəl “ASIA-Plus” portalı hökumətin güc strukturunda olan mənbəyə istinadla sərhəddə “Taliban” döyüşçülərinin atəşi nəticəsində iki tacik meşəbəyinin öldüyü barədə məlumat yayıb.
2422
2422
