Azərbaycanda radiotezliklər 10 il müddətinə veriləcək
Radiospektr idarəçiliyi sahəsində münasibətlərin effektiv formada tənzimlənməsi, təkmilləşdirilməsi, eyni zamanda, radiotezlik spektrinin ayrılması və istifadəsində şəffaflıq, ədalətlilik prinsiplərinə riayət olunması, hüquqi bazanın möhkəmləndirilməsi məqsədilə “Telekommunikasiya haqqında” Azərbaycan Respublikasının Qanununda əlavə və dəyişikliklər edilib.
Rəqəmsal İnkişaf və Nəqliyyat Nazirliyindən YeniAvropa-ya bildirilib ki, yeni dəyişikliyə əsasən, ölkə ərazisində radiotezlik resursları 10 il müddətinə ayrılacaq. Radioxidmətlər üzrə yeni texnologiyaların sürətli inkişafı, həmçinin beynəlxalq və regional telekommunikasiya təşkilatları tərəfindən mütəmadi olaraq radiotezlik zolaqlarının istifadə təyinatının dəyişdirilməsi üzrə qəbul edilən qərarlar radiotezliklərin müddətli ayrılmasını zəruri edirdi.
Qeyd edək ki, əksər ölkələrdə (Rusiya, Belarus, Gürcüstan, Ukrayna, Polşa, Sloveniya, Cənubi Koreya və sair) radiotezliklər istifadə üçün müddətli ayrılır.
Həmçinin radiotezliklərdən istifadəyə dair bağlanacaq müqavilədə tərəflərin öhdəlikləri yeni qaydalara əsasən müəyyənləşdiriləcək. Müqavilə bağlandıqdan sonra istifadəçi tərəfindən öhdəliklər yerinə yetirilmədikdə, o cümlədən tezlik nominalları üçün mövcud tariflərə uyğun 2 il müddətində ödənişlər tam aparılmadıqda, eləcə də ayrılmış radiotezliklər 3 ay müddətində istifadə edilmədikdə radiotezliklərin ayrılması haqqında qərar ləğv ediləcək.
Azərbaycan Respublikasının İnzibati Xətalar Məcəlləsinə “Maddə 362-3. Müvafiq icazə olmadan radioelektron vasitələrin layihələndirilməsi, quraşdırılması və istismar edilməsi” barədə yeni maddə əlavə edilib. Həmçinin mövcud 363-cü maddənin adı dəyişdirilərək “Telekommunikasiya vasitələrindən və qurğularından qanunsuz istifadə edilməsi və onların qanunsuz dövriyyəsi” adlandırılıb, maddənin tərkib hissəsinə müvafiq əlavələr olunub.
İnzibati Xətalar Məcəlləsinə edilmiş əlavə və dəyişikliklər radiotezliklərdən və həmin radiotezliklərə köklənmiş radioelektron vasitələrindən müvafiq qərar və radioelektron vasitələrinin istifadəsinə icazə vərəqəsi olmadan istifadə edilməsinin qarşısının alınmasına, dövlət qeydiyyatından keçməmiş elektromaqnit şüalanma mənbəyi sayılan radiorabitə vasitələrinin qurulmasına və istismarına, müvafiq icazə olmadan rabitə şəbəkələrinə qoşulmağa, radioelektron vasitələrinin və yüksəktezlikli qurğuların istehsalına, əldə edilməsinə, idxalına, istifadəsi və qeydiyyatı qaydalarının pozulması hallarının qarşısının alınmasına, radiorabitə vasitələrinin və yüksəktezlikli qurğuların mövcud qayda və qanunlara uyğun istismar olunmasına, efir məkanının təhlükəsizliyinin təmin edilməsinə, qeyri-qanuni fəaliyyət göstərən subyektlərin inzibati qaydada cəzalandırılmasına və onların belə əməllərdən çəkinməsinə şərait yaradacaq.
Bu dəyişikliklər üzrə müvafiq Qanunların tətbiqi barədə Azərbaycan Respublikasının Prezidenti İlham Əliyev tərəfindən 2023-cü il fevralın 4-də müvafiq Fərmanlar imzalanıb və Nazirlər Kabineti tərəfindən lazımi qaydaların hazırlanması barədə tədbirlər müəyyənləşdirilib.
Sözügedən qanunların tətbiqi, eləcə də beynəlxalq standartlar və qabaqcıl dünya ölkələrinin təcrübələri nəzərə alınmaqla Fərmanda hazırlanması nəzərdə tutulan yeni qaydaların tətbiqi nəticəsində radiotezliklərdən icazəsiz və qeyri-səmərəli istifadə halları azalacaq, onlardan istifadə üzrə əlçatanlıq və ədalətli bölgü təmin ediləcək.
Si Cinpin-Blinken görüşü gərgin keçib
İlham Əliyev: Sülhə nail olmaq üçün çox yaxşı fürsətlər var
Azərbaycan-Ermənistan sülh danışıqlarını yüksək qiymətləndiririk-Prezident
“Ehtiyat zabit hazırlığı kursu”na növbəti qəbul başlayır
Minifutbol millimizə yeni idman direktoru təyin edilib
Azərbaycan Avropa üçün həm də yaşıl enerji təchizatçısı olacaq-İlham Əliyev
"Günəşli"də neft hasilatı dayandırılıb?
Sabah Bakıda 29° isti olacaq
Berlində Azərbaycan və Almaniya liderlərinin təkbətək görüşü olub
Avropa Parlamentinin qətnaməsində Azərbaycanla bağlı vəziyyət açıq şəkildə təhrif edilib-XİN
Türkiyə-Rusiya Birgə Monitorinq Mərkəzi vəzifəsinin öhdəsindən layiqincə gəlib-Kərim Vəliyev
Bakıda “Qida Təhlükəsizliyi” simpoziumu keçirilib
Uzun illər Avropa bazarlarına nəql ediləcək neft-qaz resurslarımız var
Naxçıvanda QHT-lərin IV İnkişaf və Mübadilə Proqramı keçiriləcək
Türkiyə-Rusiya Birgə Monitorinq Mərkəzinin bağlanış mərasimi keçirilib
İlham Əliyev Berlində “15-ci Petersberq İqlim Dialoqu”nun Yüksək Səviyyəli seqmentində iştirak edib
AFFA “Neftçi”nin şikayətini təmin etməyib
Astanada ŞƏT ölkələri müdafiə nazirlərinin görüşü keçirilir
Xəzərdə “Dalğa-2024” birgə taktiki təlimi başa çatıb
Avropa çempionatı:Bu gün 3 cüdoçumuz mübarizəyə qoşulur
Daha 39 ailə Füzuliyə köçürülüb
Azərbaycan nefti 88,90 dollara satılır
Nazir və komitə sədrlərinin may ayında vətəndaşların qəbulu CƏDVƏLİ
Astarada avtoxuliqanlıq edən sürücülər həbs olunub
Almaniya Azərbaycanı COP29-da dəstəkləməyə hazırdır