Gələcəkdə Aktau şəhəri Qazaxıstanın Antalyası olacaq.
YeniAvropa xəbər verir ki, bu fikri Qazaxıstan prezidenti Nursultan Nazarbayev bu gün Aktau şəhərində Xəzərin sahilindəki «Tree of life» istirahət mərkəzini səfəri zamanı bildirib. Özündə çimərlik, akvapark, hovuzlar və mehmanxana kompleksini birləşdirən istirahət mərkəzi ilə yaxından tanış olan dövlət başçısı burada yaradılan şəraitdən çox məmnun qaldığını vurğulayıb.
Burada dincələn turistlərlə söhbətində N.Nazarbayev Xəzər dənizi sahilindəki kurortlarının digərlərindən üstün olduğunu qeyd edib. "Bu həm qiymətdə çox sərfəlidir, həm də ki, yay fəsili burada daha çox uzun olur. Digər tərəfdən isə Aktauda bütün lazımı infrastruktur, geniş mehmanxana fondu mövcuddur ",-deyə prezident vurğulayıb.
Nursultan nazarbayev daha sonra deyib ki, o, əvvəllər istirahət etmək üçün Alakol, Balxaş Borovoya gedərmiş. Aktauda yeni yaradılan istirahət kompleksi isə ölkədə turizmin inkişafı üçün böyük perspektivlər açır.
"Bizim planlarımızda Aktauda bu sahəni daha da inkişaf etdirmək vardır. Odur ki, gələcəkdə Aktau Qazaxıstanın Antayyasına çevriləcəkdir",-deyə Nursultan nazarbayev vurğulayıb.
Qeyd edək ki, Aktau şəhərindən 25 km məsafədə yerləşən «Tree of life» istirahət mərkəzinin ümumi sahəsi 5,7 ha təşkil edir. Mərkəz 485,2 milyon investisiya hesabına başa gəlib. Burada mövsüm ərzində 140 min nəfər turistə xidmət etmək mümkün olacaq.
2737
2737
