Varşavada “Şuşa İli”nə və Zəfər Gününə həsr edilmiş konsert olub
Polşanın paytaxtı Varşavada “Şuşa İli”nə və 8 Noyabr - Zəfər Gününə həsr edilmiş konsert olub.
Tədbir Azərbaycan diasporuna dəstək Fondu, Azərbaycanın Polşadakı səfirliyi və Polşa milli filarmoniyası tərəfindən təşkil edilmişdi.
Konsertə gələnlər arasında Diasporla İş üzrə Dövlət Komitəsinin sədri Fuad Muradov, Azərbaycanın Polşadakı fövqəladə və səlahiyyətli səfiri Nərgiz Qurbanova, Türkiyənin Polşadakı səfirliyinin əməkdaşları, Polşanın ictimai-siyasi xadimləri, Azərbaycan, türk və yəhudi icmalarının üzvləri, yerli ictimaiyyətin nümayəndələri vardı.
Diasporla İş üzrə Dövlət Komitəsindən YeniAvropa-ya verilən məlumata görə, Azərbaycanın Polşadakı səfiri Nərgiz Qurbanova tədbirin əvvəlində çıxış edərək vurğulayıb ki, Azərbaycanın musiqi məbədi və Qafqazın konservatoriyası adlandırılan Şuşa musiqi dünyasına dahi sənətkarlar bəxş edib. Azərbaycan üçün bu şəhərin qiymətini Avstriya üçün Vyananın, İtaliya üçün Neapolun qiyməti ilə müqayisə edən səfirin sözlərinə görə, Şuşa dünya azərbaycanlıları üçün böyük mənəvi dəyər kəsb edir. Səfir qonaqların diqqətinə çatdırıb ki, Azərbaycanın şanlı Qələbəsi həm də beynəlxalq hüququn və ədalətin təntənəsinin təcəssümüdür.
Diasporla İş üzrə Dövlət Komitəsinin sədri Fuad Muradov qeyd edib ki, Polşanın və Azərbaycanın dahi sənətkarlarının əsərlərinin səslənəcəyi musiqi tədbiri iki ölkə arasında mədəni əlaqələrin inkişafına böyük töhfə verəcək. Dövlət Komitəsinin sədri daha sonra vurğulayıb ki, Şuşa şəhəri tarixən Azərbaycan mədəniyyətinin və ictimai-siyasi həyatın mərkəzi olub. F.Muradov xatırladıb ki, Prezident İlham Əliyevin sərəncamına əsasən, 2022-ci ilin “Şuşa İli” elan edilməsi ilə əlaqədar dünyanın bir sıra ölkələrində, o cümlədən Polşada tədbirlər keçirilir. Bu il Polşa və Azərbaycan arasında tarixi əlaqələrin 550 illiyinin və iki ölkə arasında diplomatik münasibətlərin qurulmasının 30 illiyinin qeyd edildiyini vurğulayan Komitə sədri qonaqların diqqətinə çatdırıb ki, Polşa və Azərbaycan xalqları tarixən bir-birinin mədəniyyətinə qarşılıqlı töhfələr veriblər.
Maestro Eyyub Quliyevin idarə etdiyi “Simfonia Varsovia” orkestrinin iştirakı ilə konsert proqramına Azərbaycan və Polşa bəstəkarlarının əsərləri daxil idi. Əsl bayram təntənəsinə çevrilən konsert tamaşaçıların gurultulu alqışları ilə qarşılandı.
Konsert zalının girişində bizim Zəfərimizi əks etdirən sərgi təşkil edilmişdi. Burada həmçinin, Polşanın “Orphee Classics” səsyazma şirkəti tərəfindən hazırlanmış kompakt diskin təqdimatı oldu.
Si Cinpin-Blinken görüşü gərgin keçib
İlham Əliyev: Sülhə nail olmaq üçün çox yaxşı fürsətlər var
Azərbaycan-Ermənistan sülh danışıqlarını yüksək qiymətləndiririk-Prezident
“Ehtiyat zabit hazırlığı kursu”na növbəti qəbul başlayır
Minifutbol millimizə yeni idman direktoru təyin edilib
Azərbaycan Avropa üçün həm də yaşıl enerji təchizatçısı olacaq-İlham Əliyev
"Günəşli"də neft hasilatı dayandırılıb?
Sabah Bakıda 29° isti olacaq
Berlində Azərbaycan və Almaniya liderlərinin təkbətək görüşü olub
Avropa Parlamentinin qətnaməsində Azərbaycanla bağlı vəziyyət açıq şəkildə təhrif edilib-XİN
Türkiyə-Rusiya Birgə Monitorinq Mərkəzi vəzifəsinin öhdəsindən layiqincə gəlib-Kərim Vəliyev
Bakıda “Qida Təhlükəsizliyi” simpoziumu keçirilib
Uzun illər Avropa bazarlarına nəql ediləcək neft-qaz resurslarımız var
Naxçıvanda QHT-lərin IV İnkişaf və Mübadilə Proqramı keçiriləcək
Türkiyə-Rusiya Birgə Monitorinq Mərkəzinin bağlanış mərasimi keçirilib
İlham Əliyev Berlində “15-ci Petersberq İqlim Dialoqu”nun Yüksək Səviyyəli seqmentində iştirak edib
AFFA “Neftçi”nin şikayətini təmin etməyib
Astanada ŞƏT ölkələri müdafiə nazirlərinin görüşü keçirilir
Xəzərdə “Dalğa-2024” birgə taktiki təlimi başa çatıb
Avropa çempionatı:Bu gün 3 cüdoçumuz mübarizəyə qoşulur
Daha 39 ailə Füzuliyə köçürülüb
Azərbaycan nefti 88,90 dollara satılır
Nazir və komitə sədrlərinin may ayında vətəndaşların qəbulu CƏDVƏLİ
Astarada avtoxuliqanlıq edən sürücülər həbs olunub
Almaniya Azərbaycanı COP29-da dəstəkləməyə hazırdır