Azərbaycanda yeni doğulan hər 1000 uşağın 8-i ürək qüsurludür
Səhiyyə Nazirliyinin mütəxəssis-eksperti, uşaq kardioloqu Elnur Həsənov hamiləlik dövrü və yenidoğulmuşlarda rast gəlinən ürək qüsurları barədə məlumat verib.
YeniAvropa həmin müsahibəni təqdim edir:
- Anadangəlmə ürək qüsurlarının rastgəlmə tezliyi nə qədərdir və bu proses hansı faktorlarla bağlıdır?
- Hazırda anadangəlmə ürək qüsurları ilə rastlaşma tezliyi dünyanın müxtəlif ölkələrində fərqli diapazonlarda dəyişir. Azərbaycanda yeni doğulan hər 1000 uşağın 7-8-i ürək qüsurlu olur. Əslində, bu kiçik populyasiyalar üçün ciddi göstəricidir. Ürək qüsurları bətndaxili inkişafın müxtəlif dövrlərində bir çox faktorların təsiri nəticəsində əmələ gələ bilər. Buna gen, xromosom səviyyəsində olan dəyişikliklər, embriogenezin ürəyin formalaşmağa başladığı dövrünə təsadüf edən pozuntular və ya hamiləlik dövründə ana orqanizminə təsir edən dərman qəbulu, alkoqol və ya siqaret istifadəsi, digər zərərli vərdişlər kimi xarici faktorlar aiddir. Molekulyar səviyyədə baş verən dəyişikliklərə xromosom və gen anomaliyalarını misal göstərmək olar. Bunlardan biri xromosom artıqlığı səbəbi ilə yaranan Daun sindromudur. Həmin xəstələrin təxminən 40 faizi ürək qüsuru ilə anadan olur. Qüsurlu xəstələrin demək olar ki, əksəriyyəti erkən yaşda cərrahi müdaxiləyə ehtiyac duyur.
Ümumilikdə, 2020-ci il ərzində Azərbaycanda 18 yaşına qədər qan-damar sistemi xəstəliklərindən əziyyət çəkən 12 min 465 uşaq, anadangəlmə anomaliyalar (inkişaf qüsurları), deformasiyalar və xromosom pozuntuları problemi ilə isə 2021 uşaq qeydiyyata alınıb.
- Hamiləlik dövründə belə xəstələrə hansı laborator və instrumental müayinə metodlarının köməkliyi ilə diaqnoz qoyula bilər? Ümumilikdə dəqiq diaqnoz qoymaq mümkündürmü?
- Hamiləlik həm qadın orqanizmi, həm də inkişaf edən uşaq orqanizmi üçün ciddi stres faktorudur. Hamiləliyin fərqli dövrlərində ürək qüsurları formalaşa bilər. Hamiləliyin 16-cı həftəsindən etibarən fetal exokardioqrafiya metodunun köməkliyi ilə uşaqda ürək qüsurlarının diaqnostikası aparıla bilər. Bu metodla müayinənin aparılması üçün ideal vaxt hamiləliyin 16-24-cü həftələridir, amma müayinəni bütün hamiləlik dövründə aparmaq mümkündür.
- Doğuşdan sonrakı dövrdə hansı hallarda uşaqda ürək qüsurundan şübhələnmək olar? Neanotoloji mərkəzlərdə bu proses necə tənzimlənməlidir?
- Anadangəlmə ürək qüsurları özünü müxtəlif kliniki əlamətlərlə göstərir. Ana uşaqda olan həmin narahatlıqları asanlıqla müşahidə edə bilər. Ağır ürək qüsuru ilə doğulmuş uşaqlarda göyərmə, qidalanma çətinliyi, tez yorulma, tez-tez nəfəsalma kimi simptomlar müşahidə edilir. Ürəyində böyük dəlik olan uşaqlar isə aylarla kökələ bilmir, tez-tez tənəffüs yolları infeksiyaları, göyərmə və bayılma kimi əlamətlər özünü göstərir. Ümumiyyətlə yenidoğulmuş xəstə qrupunda neonatoloji dəyərləndirmə önəmli yer tutur. Uşaq anadan olduqdan sonra qısa müddət ərzində saturometr vasitəsilə qanın oksigenlə doyumluluğu yoxlanılmalıdır. Daha sonra isə pediatr müayinəsi nəticəsində uşağın ürəyində hər hansı küyün eşidilməsi müşahidə olunarsa, uşağın ürək qüsurlu olmasından şübhələnmək lazımdır. Belə olan halda, valideynlər pediatrik kardioloqa yönləndirilməlidirlər.
Si Cinpin-Blinken görüşü gərgin keçib
İlham Əliyev: Sülhə nail olmaq üçün çox yaxşı fürsətlər var
Azərbaycan-Ermənistan sülh danışıqlarını yüksək qiymətləndiririk-Prezident
“Ehtiyat zabit hazırlığı kursu”na növbəti qəbul başlayır
Minifutbol millimizə yeni idman direktoru təyin edilib
Azərbaycan Avropa üçün həm də yaşıl enerji təchizatçısı olacaq-İlham Əliyev
"Günəşli"də neft hasilatı dayandırılıb?
Sabah Bakıda 29° isti olacaq
Berlində Azərbaycan və Almaniya liderlərinin təkbətək görüşü olub
Avropa Parlamentinin qətnaməsində Azərbaycanla bağlı vəziyyət açıq şəkildə təhrif edilib-XİN
Türkiyə-Rusiya Birgə Monitorinq Mərkəzi vəzifəsinin öhdəsindən layiqincə gəlib-Kərim Vəliyev
Bakıda “Qida Təhlükəsizliyi” simpoziumu keçirilib
Uzun illər Avropa bazarlarına nəql ediləcək neft-qaz resurslarımız var
Naxçıvanda QHT-lərin IV İnkişaf və Mübadilə Proqramı keçiriləcək
Türkiyə-Rusiya Birgə Monitorinq Mərkəzinin bağlanış mərasimi keçirilib
İlham Əliyev Berlində “15-ci Petersberq İqlim Dialoqu”nun Yüksək Səviyyəli seqmentində iştirak edib
AFFA “Neftçi”nin şikayətini təmin etməyib
Astanada ŞƏT ölkələri müdafiə nazirlərinin görüşü keçirilir
Xəzərdə “Dalğa-2024” birgə taktiki təlimi başa çatıb
Avropa çempionatı:Bu gün 3 cüdoçumuz mübarizəyə qoşulur
Daha 39 ailə Füzuliyə köçürülüb
Azərbaycan nefti 88,90 dollara satılır
Nazir və komitə sədrlərinin may ayında vətəndaşların qəbulu CƏDVƏLİ
Astarada avtoxuliqanlıq edən sürücülər həbs olunub
Almaniya Azərbaycanı COP29-da dəstəkləməyə hazırdır