“Khazar” Avtomobil Zavodunun ilk 10 avtomobilinin alıcısı İqtisadiyyat Nazirliyidir
Neftçala Sənaye Məhəlləsində ən iri müəssisə olan, “Azərmaş” Açıq Səhmdar Cəmiyyətinin (ASC) və “İran Khodro” şirkətinin birgə yaratdığı “Khazar” Avtomobil Zavodunun fəaliyyətə başlaması ölkəmizin iqtisadi həyatında baş verən əlamətdar hadisələrdən biridir. Prezidentlər İlham Əliyev və Həsən Ruhani tərəfindən martın 29-da Azərbaycan-İran biznes forumu çərçivəsində açılan zavodun səhmlərinin 75 faizi “Azərmaş” ASC-yə, 25 faizi isə “İran Khodro” şirkətinə məxsusdur. Ümumi dəyəri 15 milyon dollar olan zavodun tikintisinə Azərbaycan dövləti tərəfindən xüsusi dəstək göstərilib, müxtəlif vergi güzəştləri tətbiq edilib. Bu dəstək tədbirləri nəticəsində tikinti işləri zamanı təqribən 5 milyon ABŞ dollarına qənaət olunub. Bu, avtomobillərin daha ucuz başa gəlməsinə, satışa daha münasib qiymətə çıxarılmasına birbaşa təsir göstərir. Neftçala Sənaye Məhəlləsində avtomobil zavodunun yaradılması bir sıra köməkçi istehsal və xidmət sahələrinin inkişafına da təkan verəcək.
YeniAvropa xəbər verir ki, “Azərmaş” ASC-nin İdarə heyətinin sədri Emin Axundov KİV-ə müsahibəsində müəssisədə istehsal olunan avtomobillərin üstünlüklərindən, gələcək planlardan və perspektivlərdən danışıb.
- Emin müəllim, “Khazar” avtomobil zavodunda Avropanın aparıcı ölkələrinin müasir texnologiyaları, avadanlıq və mexanizmləri əsasında “Runna”, “Samand”, “Soren”, “Dena” markalı avtomobillər yığılır. Gələcəkdə bu sıraya hansı modellər əlavə ediləcək?
- Qeyd etdiyiniz modelləri hələlik iki komplektasiyada yığırıq. Mexaniki ötürücülü bu avtomobillər sadə və lüks seriyalıdır. İlin sonunda isə avtomat ötürücülü modellərin yığılmasını planlaşdırırıq. Bu avtomobillərin mühərrik gücü 1,7 l-dir. Yaxın gələcəkdə zavodda "Peugeot-206", "Peugeot-207", "Renault-Tondar", "Renault-Pickup" kimi avtomobil modellərinin istehsalı da həyata keçiriləcək.
- Zavodda istehsal olunan avtomobillərin yerli alıcı üçün əsas üstünlüyü nədədir?
- “Khazar” avtomobillərinin başlıca üstünlüyü onun qiyməti və keyfiyyətidir. Hazırda bazara ən ucuz maşınları Rusiya və Çin istehsalçıları çıxarır. Azərbaycanda onların qiyməti 21 min manatdan başlayır. Bizim avtomobillər isə daha ucuz qiymətə - 14-16 min manata təklif olunur və daha geniş komplektasiyaya malikdir. Qeyd edim ki, bu avtomobillər AVRO 5 standartlarına uyğun mühərriklə təchiz olunub, salonu daha geniş və komfortludur, mərkəzi konsolda geniş monitoru var. Bundan başqa, avtomobil şüşə lyük, ABS, multi sükan, yüngül lehimli disklər, ön oturacaqların avtomatik tənzimlənməsi, LED fənərlər, arxa görüntü kamera, park-radar və digər opsiyalarla təchiz olunub. Azərbaycan bazarında bu qiymətə belə təchizata malik avtomobil yoxdur.
- Bu yaxınlarda Neftçala Sənaye Məhəlləsinə mediatur zamanı maraqlı bir məqam diqqətimizi çəkdi. Dediniz ki, yaxın gələcəkdə bu avtomobillərin bəzi hissələrinin Azərbaycanda istehsalını da planlaşdırırsınız...
- Hazırda bu barədə müzakirələr gedir, danışıqlar aparırıq. Nəticə barədə yaxın zamanlarda məlumat verəcəyik. Ümumiyyətlə, “Azərmaş” ASC ölkəmizin digər bölgələrində də avtomobil sənayesinin yaradılmasında maraqlıdır və fəaliyyətimizi də bu istiqamətdə qururuq. Qeyd edim ki, Azərbaycan ərazisində ehtiyat hissələri istehsal edildikdən sonra avtomobilin maya dəyəri azalacaq. Bu da öz növbəsində satış qiymətinə təsir göstərəcək. Eyni zamanda, rəqabət qabiliyyəti artacaq və müəssisəmiz avtomobil bazarında öz sinfi üzrə mühüm paya malik olacaq.
- Avtomobillərin ixracı istiqamətində nə kimi iş aparılır?
- Zavodumuzda “Made in Azerbaijan” brendi ilə ildə 10 min avtomobil yığmaq mümkündür. Əlbəttə ki, əsas hədəf daxili bazarda bu sinfə aid olan tələbatı tam ödəməkdir. Perspektivdə xarici bazarlara çıxmağı da planlaşdırırıq. Bu, həm Azərbaycanı avtomobil istehsalçısı kimi tanıtmağa, həm də ölkəmizə əlavə valyuta gətirilməsinə imkan verəcək. Planımıza MDB, Yaxın Şərq və Afrika ölkələrinin bazarlarına çıxmaq daxildir.
- Sifarişlər varmı? Ümumiyyətlə müəssisənin perspektivini necə dəyərləndirirsiniz?
- Zavod yenidir, ilk addımlarını atır. Buna baxmayaraq, artıq ilk sifariş almışıq: İqtisadiyyat Nazirliyi zavoda 10 ədəd avtomobil sifariş verib. Perspektivə gəldikdə, ölkəmizdə qeyri-neft sektorunun daha da inkişafı üçün bu cür müəssisələrə böyük ehtiyac var. Biz dövlətin sahibkarlara yaratdığı əlverişli şəraitdən yararlanaraq “Khazar” Avtomobil Zavodunu qurduq. Məhsullumuz keyfiyyətdə heç də xarici avtomobillərdən geri qalmır, hətta, bir sıra komponentlərinə görə onlardan üstündür. Bu da “Khazar” avtomobillərinin daxili və xarici bazarda əlverişli mövqe tutacağına inam yaradır.
Yeri gəlmişkən, hazırda zavodumuzda 200 nəfər işləyir. Gələcəkdə isə onların sayı 300-ə çatdırılacaq. Zavodumuz ölkə iqtisadiyyatının inkişafına öz töhfəsini vermək əzmindədir. Həm yeni iş yerlərinin yaradılması, həm yerli istehsalın təşkili, həm də ixrac baxımından geniş potensialımız var.
Si Cinpin-Blinken görüşü gərgin keçib
İlham Əliyev: Sülhə nail olmaq üçün çox yaxşı fürsətlər var
Azərbaycan-Ermənistan sülh danışıqlarını yüksək qiymətləndiririk-Prezident
“Ehtiyat zabit hazırlığı kursu”na növbəti qəbul başlayır
Minifutbol millimizə yeni idman direktoru təyin edilib
Azərbaycan Avropa üçün həm də yaşıl enerji təchizatçısı olacaq-İlham Əliyev
"Günəşli"də neft hasilatı dayandırılıb?
Sabah Bakıda 29° isti olacaq
Berlində Azərbaycan və Almaniya liderlərinin təkbətək görüşü olub
Avropa Parlamentinin qətnaməsində Azərbaycanla bağlı vəziyyət açıq şəkildə təhrif edilib-XİN
Türkiyə-Rusiya Birgə Monitorinq Mərkəzi vəzifəsinin öhdəsindən layiqincə gəlib-Kərim Vəliyev
Bakıda “Qida Təhlükəsizliyi” simpoziumu keçirilib
Uzun illər Avropa bazarlarına nəql ediləcək neft-qaz resurslarımız var
Naxçıvanda QHT-lərin IV İnkişaf və Mübadilə Proqramı keçiriləcək
Türkiyə-Rusiya Birgə Monitorinq Mərkəzinin bağlanış mərasimi keçirilib
İlham Əliyev Berlində “15-ci Petersberq İqlim Dialoqu”nun Yüksək Səviyyəli seqmentində iştirak edib
AFFA “Neftçi”nin şikayətini təmin etməyib
Astanada ŞƏT ölkələri müdafiə nazirlərinin görüşü keçirilir
Xəzərdə “Dalğa-2024” birgə taktiki təlimi başa çatıb
Avropa çempionatı:Bu gün 3 cüdoçumuz mübarizəyə qoşulur
Daha 39 ailə Füzuliyə köçürülüb
Azərbaycan nefti 88,90 dollara satılır
Nazir və komitə sədrlərinin may ayında vətəndaşların qəbulu CƏDVƏLİ
Astarada avtoxuliqanlıq edən sürücülər həbs olunub
Almaniya Azərbaycanı COP29-da dəstəkləməyə hazırdır