Hərbi Qənimətlər Parkı bu gündən vətəndaşların ziyarəti üçün açıqdır
Aprelin 14-dən Xətai rayonu ərazisində yerləşən Hərbi Qənimətlər Parkı vətəndaşlar üçün açılıb. İnsanların parkı ziyarət etməsi pandemiyaya qarşı profilaktik tədbirlərə uyğun olaraq tənzimlənir.
YeniAvropa xəbər verir ki, parka giriş şəhid ailələri və qazi ailələri üçün ödənişsizdir. Adi vətəndaşlar üçün giriş bileti isə iki manatdır.
Xatırladaq ki, aprelin 12-də Bakıda prezident İlham Əliyevin iştirakı ilə Azərbaycan xalqının tarixi qalibiyyətinin simvollarından birinə çevrilən Hərbi Qənimətlər Parkının açılışı olub.
Bu parkda 44 günlük Vətən müharibəsi zamanı əldə olunan uğurlar beş hektarlıq ərazidə nümayişə çıxarılıb. Parkda nümayiş etdirilən qənimətlər sırasında KUB zenit-raket kompleksi, hərəsindən bir nümunə olmaqla tırtıllı ağır texnika var. Onlar saz vəziyyətdədir. Burada düşmənin sıradan çıxarılmış 150-dək ağır texnikası, “T-72” tankları, piyadaların döyüş maşınları, 2S1 “Qvozdika” özüyeriyən artilleriya qurğusu, “Osa” zenit-raket kompleksi və digər eksponatlar da nümayiş olunur. Ümumilikdə burada 300-dən çox hərbi eksponat və texnika mövcuddur.
Zəfər paradının ən yaddaqalan və rəmzi kompozisiyalardan biri Azərbaycan Silahlı Qüvvələrinin işğaldan azad olunan torpaqlarda düşməndən qənimət götürdüyü 2000-dən çox hərbi yük avtomobilinin nömrə nişanından hazırlanan lövhədir. 522 hərbi yük maşını Azərbaycan Ordusu tərəfindən məhv edilib və ya qənimət kimi götürülüb.
Qırx dörd günlük Vətən müharibəsi dövründə döyüş meydanında məğlubiyyətlərə uğrayan düşmən insanlıq əleyhinə və müharibə cinayətləri törədib, o cümlədən döyüş bölgəsindən uzaqdakı ərazilərə raket zərbələri endirib, dinc sakinləri qətlə yetirib. Həmin faktları xronoloji ardıcıllıqla özündə əks etdirən lövhə Parkın giriş hissəsində yerləşdirilib. Burada Şuşaya atılmış “İskəndər M” raketinin qalıqları da var.
Parkda Azərbaycan prezidentinin Qələbə tvitləri, aparıcı media qurumlarına müsahibələr, xalqa müraciətlərdən ibarət hissələr videozalda nümayiş etdirilir.
Hərbi Qənimətlər Parkının ən maraqlı hissələrindən biri 30 il ərzində düşmən tərəfindən möhkəmləndirilmiş müdafiə mövqeyi əks olunan, özündə 10 elementdən ibarət mühəndis-maneələr sistemini ehtiva edən ərazidir.
Burada 5 metr enində, 3-4 metr dərinlikdə qazılan tank əleyhinə xəndək, mina sahəsi, tank əleyhinə beton dirəklər və metal kirpilər, dirəklər üzərində tikanlı məftillilər, piyada əleyhinə mina sahəsi, üçcərgəli lent tipli məftil maneələri, həmçinin səngər üzərində lent tipli məftil maneələr yer alır. Ermənilərin otuz il ərzində möhkəmləndirilən mövqelərinin daxilində döyüş postu, əsgər kazarması təsvir olunub. Kazarmanın yanında şəxsi heyətin artilleriya və hava hücumundan qorunması üçün sığınacaqlar, döyüş mövqeyində atıcı, pulemyotçu, qumbaraatan səngərləri, atəş nöqtələri yerləşir, həmçinin Ordumuza qarşı istifadə olunan rels üzərində hərəkət edən iriçaplı minaatanlar qoyulub.
Azərbaycan Ordusunun qənimət kimi götürdüyü hərbi texnikaların nə vaxt vurulduğu, harada ələ keçirildiyi haqqında məlumatlar onların qarşısındakı lövhələrdə əks olunub. Nümayiş olunan bu hərbi texnikalar yararsız və ya saz vəziyyətindədir.
Si Cinpin-Blinken görüşü gərgin keçib
İlham Əliyev: Sülhə nail olmaq üçün çox yaxşı fürsətlər var
Azərbaycan-Ermənistan sülh danışıqlarını yüksək qiymətləndiririk-Prezident
“Ehtiyat zabit hazırlığı kursu”na növbəti qəbul başlayır
Minifutbol millimizə yeni idman direktoru təyin edilib
Azərbaycan Avropa üçün həm də yaşıl enerji təchizatçısı olacaq-İlham Əliyev
"Günəşli"də neft hasilatı dayandırılıb?
Sabah Bakıda 29° isti olacaq
Berlində Azərbaycan və Almaniya liderlərinin təkbətək görüşü olub
Avropa Parlamentinin qətnaməsində Azərbaycanla bağlı vəziyyət açıq şəkildə təhrif edilib-XİN
Türkiyə-Rusiya Birgə Monitorinq Mərkəzi vəzifəsinin öhdəsindən layiqincə gəlib-Kərim Vəliyev
Bakıda “Qida Təhlükəsizliyi” simpoziumu keçirilib
Uzun illər Avropa bazarlarına nəql ediləcək neft-qaz resurslarımız var
Naxçıvanda QHT-lərin IV İnkişaf və Mübadilə Proqramı keçiriləcək
Türkiyə-Rusiya Birgə Monitorinq Mərkəzinin bağlanış mərasimi keçirilib
İlham Əliyev Berlində “15-ci Petersberq İqlim Dialoqu”nun Yüksək Səviyyəli seqmentində iştirak edib
AFFA “Neftçi”nin şikayətini təmin etməyib
Astanada ŞƏT ölkələri müdafiə nazirlərinin görüşü keçirilir
Xəzərdə “Dalğa-2024” birgə taktiki təlimi başa çatıb
Avropa çempionatı:Bu gün 3 cüdoçumuz mübarizəyə qoşulur
Daha 39 ailə Füzuliyə köçürülüb
Azərbaycan nefti 88,90 dollara satılır
Nazir və komitə sədrlərinin may ayında vətəndaşların qəbulu CƏDVƏLİ
Astarada avtoxuliqanlıq edən sürücülər həbs olunub
Almaniya Azərbaycanı COP29-da dəstəkləməyə hazırdır