logo

YAP rəhbərliyində təmizləmələr olacaq: VII qurultaya hazırlaıq başladı

11:00 22-02-2021 | icon 336
YAP rəhbərliyində təmizləmələr olacaq: VII qurultaya hazırlaıq başladı

Hakim Yeni Azərbaycan Partiyası(YAP) özünün VII qurultayına hazırlaşır.

 YeniAvropa xəbər verir ki, məlumata görə, YAP-ın budəfəki qurultayı əvvəlkilərdən xeyli fərqli olacaq. Belə ki, hakim partiyanın İdarə Heyəti və Siyasi Şurasında olan bir sıra tanınmış şəxslər öz postlarından kənarlaşdırılacaq.

YAP-dakı mənbə partiya rəhbərliyindən kənarlaşdırılacaq bəzi şəxslərin kimliyini "Gununsesi.info"ya açıqlayıb. Qurultayda YAP sədrinin 4 müavinindən 2-si öz postu ilə vidalaşacaq.Həmin şəxslər  bunlardır:

1.Əli Həsənov (Baş nazirin sabiq müavini)

2. Akif Əlizadə (AMEA-nın sabiq prezidenti)

Bundan əlavə, YAP-ın İdarə Heyətindən kənarlaşdırılacaq şəxslər də bir zamanlar hakim partiyanən əsas simaları olanlardır. Onları da təqdim edirik:

1.    Hacıbala Abutalıbov – Baş nazirin sabiq müavini

2.    Vaqif Əliyev – Mədəniyyət və Turizm nazirinin I müavini

3.    Nurlana Əliyeva – Bakı Slavyan Universitetinin rektoru, YAP Qadınlar Şurasının sədri

4.    Akif Əlizadə -Yeni Azərbaycan Partiyasının Sədr müavini

5.    Əli Həsənov – prezidentin sabiq köməkçisi və PA-nın sabiq şöbə müdiri

6.    Əli Həsənov – Baş nazirin sabiq müavini

7.    Yusif Hümbətov – «Azərsutikinti» Səhmdar Cəmiyyətinin sədri

8.    Nizami Xudiyev – Azərbaycan Dövlət Pedaqoji Universitetinin kafedra müdiri

9.    Eldar İbrahimov – Milli Məclisin İntizam komissiyasının sədri

10.    Kərim Kərimov – Yeni Azərbaycan Partiyası İcra Katibliyinin əməkdaşı

11.    Abel Məhərrəmov – BDU-nun sabiq rektoru

12.    Arif Rəhimzadə – Milli Məclis sədrinin sabiq müavini

13.    Vasif Talıbov – Naxçıvan Muxtar Respublikası Ali Məclisinin sədri, YAP Naxçıvan Muxtar Respublikası təşkilatının sədri

14.    Mixail Zabelin – Milli Məclisin deputatı

YAP Siyasi Şurasının üzvlüyündən xaric ediləcək bəzi şəxslərin kimliyi artıq bəllidir.

 

Məlumata görə, Siyasi Şuranın tərkibi tamamilə yenilənəcək.

Siyasi Şuradan kənarlaşdırılacaq şəxslər arasında PA-nın sabiq şöbə müdirləri Fatma Abdullazadə və  Elnur Aslanov da var.

Xatırladaq ki, bu , Yeni Azərbaycan Partiyasının sayca VII qurultayı olacaq. YAP-ın son qurultayı 2018-ci il fevralın 8-də Bakıda Heydər Əliyev Mərkəzində keçirilib. Qurultay həmin ilin aprelin 11-də keçirilən növbədənkənar prezident seçkilərində partiyanın sədri, prezident İlham Əliyevin namizədliyini irəli sürüb.

Qeyd edək ki, YAP-ın 700 mindən çox üzvünün olduğu iddia edilir.