Ermənistanın xarici işlər naziri Ara Ayvazyan Fransaya gedəcək.
YeniAvropa yerli mətbuata istinadla xəbər verir ki, bu barədə Ermənistan Xarici İşlər Nazirliyi məlumat yayıb.
“8-9 dekabr tarixlərində Ermənistan xarici işlər naziri Ara Ayvazyanın Fransaya səfəri baş tutacaq. Səfər zamanı Ayvazyan fransız həmkarı Jan-İv Lö Drianla görüşəcək”, -deyə məlumatda qeyd olunub.
Xatırladaq ki, 6-7 dekabr tarixlərində Ermənistan xarici işlər naziri Moskvada səfərdə olub, orada Rusiya xarici işlər naziri Sergey Lavrov və KTMT baş katibi Stanislav Zas ilə danışıqlar aparıb.