logo

UEFA Avropa Liqası: “Qarabağ” - “Sivasspor” oyunu başlayıb

21:51 26-11-2020 | icon 455
UEFA Avropa Liqası: “Qarabağ” - “Sivasspor” oyunu başlayıb

UEFA Avropa Liqasında qrup mərhələsinin beşinci turu çərçivəsində keçiriləcək “Qarabağ”-“Sivasspor” oyunu başlayıb.

YeniAvropa xəbər verir ki, ölkədəki hərbi vəziyyətlə əlaqədar “Qarabağ” rəqibini İstanbuldakı "Başakşehir Fatih Terim" stadionunda qəbul edir.

Azərbaycan çempionun start heyətində Şahruddin Məhəmmədəliyev, Qara Qarayev, Kevin Medina, Vild-Donald Gerye, Elvin Cəfərquliyev, İsmayıl İbrahimli, Uroş Matiç, Ovusu Kvabena, Tural Bayramov, Abdullah Zubir və Mahir Əmrəli yer alıb.

“Sivasspor”un ilk onbirliyində isə meydana Mamadu Samassa, Marselo Qoyano, Caner Osmanpaşa, Uğur Çiftçi, Robin Yalçın, Klaudemir, Faysal Fayr, Erdoğan Yeşilyurt, Hakan Arslan, Mustafa Yatabare və Kazimir Ninqa çıxıb.

Qarşılaşmanı Danimarkadan olan hakimlər briqadası idarə edir.

Matçın baş hakimi Yakob Kehletidir. Ona Heine Sorensen və Lars Hummelgaard kömək edir. Dördüncü hakim funksiyasını Yens Maee yerinə yetirir.

Qrupda xalsız yeganə komanda olan “Qarabağ” sonuncu, Sivas təmsilçisi isə 3 xalla 3-cü sırada yer alıb. "Köhlən atlar" bu görüşdə də uduzsa, pley-offa çıxmaq şanslarını itirəcək.

Hər iki komanda matça ciddi itkilərlə çıxıb. "Qarabağ"da Filip Ozobiç cəza səbəbindən, Maksim Medvedev və Rahil Məmmədov koronavirusa yoluxduqları üçün matçı buraxırlar. Digər zədəlilər - Patrik Andrade, Abbas Hüseynov və Bədavi Hüseynovun meydana çıxıb-çıxmayacaqları sual altındadır. "Sivasspor"da isə 8 futbolçu koronavirus probleminə görə oynaya bilmir. Onların arasında əsas heyət üzvlərinin də olduğu bildirilir.

Bu komandalar arasında keçirilmiş ilk oyun Türkiyə təmsilçisinin 2:0 hesablı qələbəsi ilə başa çatıb.

Qrupun digər matçında İspaniya "Vilyarreal"ı İsraildə Təl-Əviv "Makkabi"si ilə üz-üzə gələcək. La Liqa klubu səfərdə qələbə qazanacağı təqdirdə, qrup lideri kimi növbəti mərhələyə vəsiqəni təmin edəcək.

Görüş “CBC Sport” kanalı ilə canlı yayımlanır.