Rüşvətdən azad olmaya görə Gürcüstan dünyada ilk onluqdadır

Gürcüstan insan hüquqları, şəffaflıq, korrupsiya, effektiv idarəetmə və makroiqtisadi sabitlik kimi sahələrdə ciddi irəliləyiş əldə edib. Ölkədə siyasi plüralizm də əhəmiyyətli dərəcədə artıb. Gürcüstan hökuməti korrupsiyadan azaddır və bütün diqqətini biznesin inkişafına yönəldib. Gürcüstan əlverişli coğrafi mövqeyə, sərbəst investisiya mühitinə, sistemli islahatlara, sadələşdirilmiş vergi sisteminə və gömrük idarəsinə malikdir.

YeniAvropa xəbər verir ki, bu barədə  Gürcüstanın Azərbaycandakı səfirliyinin Dünya Bankı tərəfindən nəşr edilən hesabata istinadla yaydığı məlumatda bildirilir. 

Dünya Bankı tərəfindən nəşr olunan müəssisələrin  araşdırılması sübut edir ki,  Gürcüstan rüşvət  almaq hallarının azlığına və rüşvətxorluğun təyziqindən  azad olma  faktlarına  görə dünyada ilk onluğa daxil olub.

Qeyd edək ki, müəssisələrin araşdırılması Dünya Bankı tərəfindən,  Dünya Bankı Qrup Tərəfdaşları (EBRD, EIB, DFID) ilə birlikdə,  hər 4 ildən bir aparılır. Tədqiqatın məqsədi özəl sektorun və nəticədə bütövlükdə iqtisadiyyatın böyüməsində və inkişafında böyük rol oynayan ölkələrin biznes mühitini qiymətləndirməkdir. Tədqiqat dünyanın bütün coğrafi bölgələrini və yüz minlərlə kiçik, orta və iri özəl şirkətləri əhatə edir. Sorğu son dəfə Gürcüstanda 2019-cu ilin martından 2020-ci ilin yanvarına qədər aparılıb. Bu müddət ərzində Gürcüstanda 581 şirkət nümayəndəsi ilə müsahibə hazırlanıb.

Korrupsiyadan azad  olmaq hallarına dair sorğuya görə, Gürcüstan dünya miqyasında ən yaxşı reytinqə layiq görülüb. Xüsusilə, rüşvət hadisələrinin sayının az olması səbəbindən Gürcüstan 144 ölkə arasında ən yaxşı 10 ölkə arasında yer alır. Rüşvət təzyiqindən azad olmaq baxımından, Gürcüstan  ilk 10 ölkə arasında yer alır.

hesabatda qeyd edilir ki, sorğuya görə Gürcüstanda praktikada ən azı bir dəfə rüşvət tələbi hadisəsi ilə üzləşən  özəl sektorun sayı, sorğu edilən şirkətlərin yalnız 1,3% -ni təşkil edir. Bu göstərici Avropa və Orta Asiya ölkələrində 10 %, orta gəlirli ölkələrdə isə -12% təşkil edir.

Ümumiyyətlə, rüşvət tələblərinin / təkliflərinin (tikinti icazələri, dövlət müqavilələri və vergi işçiləri ilə görüşlər) ən çox aşkar ediləcəyi dövlət qurumlarını göstəricisi  ən yaxşı  səviyyədədir. Gürcüstanda özəl şirkətlərdən hədiyyələr / qeyri-rəsmi ödənişlər tələbi hallarının  sayı cəmi 1-1.4% -dir, halbuki bu rəqəm Avropa və Orta Asiya ölkələrində  -15% -ə,  orta səviyyədən yuxarı gəlirləri olan ölkələrdə -10% -19% -ə çatır.

Eyni zamanda, "Fitch" reytinqinə görə,  artıq ikinci ildir ki, Gürcüstan yeni tarixi bir maksimum səviyyəsindədir və kredit reytinqi səviyyəsi "BB" dir.  Qeyd etmək lazımdır  ki, son qiymətləndirmələrə görə, Gürcüstan bu il  "Fitch və "S&P" tərəfindən orta gəlirli ölkələrin iyirmiliyinə daxil edilib.

Gürcüstanda bir biznesə  başlamaq və məşğul olmaq  üçün sadələşdirilmiş qaydalar, Dünya Bankı və Beynəlxalq Maliyyə Korporasiyası (IFC) tərəfindən illik “Doing Business” reytinqi tərəfindən təsdiqlənir və buna görə 2020-ci ildə Gürcüstan, bizneslə asan şəkildə   məşğul olmaq   sıralamasında,  189 ölkə arasında 7-ci yeri tutur.

Məhz sistemli islahatların uğurlu və effektiv həyata keçirilməsi Gürcüstanın nüfuzlu beynəlxalq reytinqlərdəki mövqeyinin əhəmiyyətli dərəcədə yaxşılaşmasına səbəb oldu.

Gürcüstanın iqtisadi siyasəti- azad, ədalətli, əhatəli və davamlı inkişafa yönəldilib və nəticədə: səmərəli dövlət xidməti; bazarda açıq və ədalətli rəqabət; mülkiyyət və intellektual hüquqların qorunması; azad  məhkəmə sisteminin əlçatan olmasıdır.

Gürcüstanın əsas prioriteti ticarətin daha da liberallaşdırılması və dünyanın aparıcı bazarlarına daha dərin inteqrasiyadır. Gürcüstanı  İngiltərə ilə,  Türkiyə Cümhuriyyəti ilə,  MDB üzvü olan ölkələrlə, Avropa Sərbəst Ticarət Birliyi (EFTA) ilə, Çin Xalq Respublikası ilə  Sərbəst Ticarət Sazişə,  həmçinin,  Avropa Birliyi ilə Dərin və Hərtərəfli Sərbəst ticarət sahəsi haqqında (DCFTA) sazişə malikdir, bütün bunlar  isə 2,3 milyard müştəri bazarını əhatə edir.

Gürcüstanın əldə etdiyi  irəliləyiş və mühüm beynəlxalq maliyyə qurumlarının reytinqlərindəki mövqeyi, xarici investisiyalar üçün  və ilk növbədə strateji tərəfdaş ölkə - Azərbaycan üçün Gürcüstanı xüsusilə cəlbedici ölkə edir.

Azərbaycan Gürcüstanın strateji tərəfdaşıdır və eyni zamanda Gürcüstanın ən böyük investorlarından biridir. Azərbaycanla ticarət-iqtisadi əlaqələrin inkişafı Gürcüstan hökumətinin vacib prioritetidir.