"Neftçi" və "Qalatasaray"ın start heyətləri açıqlanıb
Sentyabrın 17-də paytaxtın “Neftçi” futbol klubu UEFA Avropa Liqasının II təsnifat mərhələsində İstanbulun “Qalatasaray” komandası ilə qarşılaşacaq.
YeniAvropa xəbər verir ki, Bakı Olimpiya Stadionunda oynanılacaq matç saat 20:00-da başlayacaq.
Artıq komandaların start heyətləri açıqlanıb.
"Neftçi"nin start heyətində Aqil Məmmədov, Ömər Buludov, Mamadu Mbodj, Voislav Stankoviç, Anton Krivotsyuk, Emin Mahmudov, Mamadu Kane, Saman Nərimancahan, Namik Ələskərov, Yusuf Laval və Prins İbara yer alıblar.
İstanbul təmsilçisinin ilk on birliyində isə meydana Fatih Öztürk, Martin Linnes, Markao, Kristian Luyindama, Marselo Saraççi, Taylan Antalyalı, Emre Kılınc, Rayan Babel, Yunes Belhanda, Ömer Bayram və Mbaye Diaqne çıxacaqlar.
Görüşü Şotlandiyadan olan hakimlər briqadası idarə edəcək. Oyunun baş hakimi Kevin Klensi olacaq. Ona həmyerliləri Devid Makqişi və Qrem Stüart kömək edəcəklər. Dördüncü hakim funksiyasını isə Euan Anderson yerinə yetirəcək.
Koronavirus pandemiyası ilə əlaqədar UEFA-nın qərarı ilə digər oyunlar kimi, bu qarşılaşma da azarkeşsiz keçiriləcək.
Bu qarşılaşmanın qalibi növbəti mərhələdə “Renova” (Şimali Makedoniya) - “Hayduk” (Xorvatiya) görüşündə üstün olan tərəflə üz-üzə gələcək. “Neftçi” I təsnifat mərhələsində Makedoniyanın “Şkupi” komandasını mübarizədən kənarlaşdırıb. “Qalatasaray” isə seçmə mərhələyə II təsnifat mərhələsindən qoşulub.
Xatırladaq ki, “Neftçi” ilk dəfə avrokubokda Türkiyə klubu ilə qarşılaşacaq. Bu sözləri İstanbul təmsilçisinə də aid etmək olar. Ümumiyyətlə, qardaş ölkələrimizin komandaları avrokuboklarda indiyədək dörd dəfə üz-üzə gəliblər. Belə ki, UEFA kuboku yarışlarının 1994-1995-ci il mövsümündə Tovuzun “Turan” klubu İstanbulun “Fənərbağça” komandası ilə qarşılaşıb. “Fənərbağça” hər iki oyunda qələbə qazanıb - 5:0 və 2:0. Digər qarşılaşma da UEFA kuboku yarışlarına təsadüf edib. Turnirin 2000-2001-ci il mövsümündə “Antalyaspor” komandası Gəncənin “Kəpəz” klubunu 5:0 və 2:0 hesabı ilə məğlub edərək növbəti mərhələyə adlayıb. Beləliklə, indiyədək keçirilmiş dörd oyunda Türkiyə klubları 14 qol vurub, qapılarını isə toxunulmaz saxlamağı bacarıblar.
“Neftçi” indiyədək “Qalatasaray” ilə iki dəfə yoldaşlıq oyununda üz-üzə gəlib. 1960-cı ildə Bakıda keçirilən birinci görüşdə komandamız 3:1 hesabı ilə qalib gəlib. 1990-cı ildə Türkiyədə keçirilən oyunda isə heç-heçə qeydə alınıb – 2:2.
NATO-nun baş katibi ilə Gürcüstanın baş naziri ilə görüşüb
Xankəndinin mərkəzi meydanına “Zəfər meydanı” adı verilib
Prezident İlham Əliyev Xankəndidə Novruz tonqalını alovlandırıb
İlham Əliyev Azərbaycan xalqının Novruz bayramını təbrik edib
Bakının mərkəzində 4 küçə avtomobillər üçün bağlanır
Paşinyan Qazax rayonu ilə həmsərhəd bölgəyə səfər edib
Bakıda Azərbaycan-ABŞ əməkdaşlığı müzakirə olunub
Azərbaycan-ŞƏT əməkdaşlığı müzakirə olunub
Azərbaycanın müdafiə naziri NATO-nun baş katibi ilə görüşüb
Sabah Bakıda arabir yağış yağacaq, 9° isti olacaq
2024-cü il üzrə böyük, orta və kiçik qrant müsabiqələrinin nəticələri
NATO baş katibinin Azərbaycana səfəri başa çatıb
Pekində Azərbaycan-Çin əməkdaşlığı müzakirə olunub
Rusiyada seçici aktivliyi 77,44 % təşkil edib
İlham Əliyev Vladimir Putini təbrik edib
Azərbaycan-Türkiyə qardaşlığın rəmzi Çanaqqala döyüşlərindən 109 il ötür
Bu gün Göygöl rayonunda qaz olmayacaq
DYP:Texniki müayinə mərkəzləri bayram günləri də işləyəcək
Bakı metrosu gücləndirilmiş iş rejimində işləyəcək
“Beşiktaş” klubu Qurban Qurbanovla maraqlanır
Bakıda havada toz müşahidə olunur
Putin 85,13 % səs toplayıb
AZAL Londonun daha bir hava limanına uçuşlara başlayıb
Atıcımız Almaniyada gümüş medal qazanıb
Ötən iki gündə cinayət törətməkdə şübhəli bilinən 111 nəfər saxlanılıb