Hazırda tibbi qərargahda iki peyvənd üzərində ciddi iş gedir. Birincisi, qarşıdan gələn payız-qış mövsümündə yayıla bilən qrip xəstəliyinə qarşı olan peyvənddir. Həmin peyvəndin aparılması istiqamətində işlər görülür. İkincisi, bütün dünyanı maraqlandıran COVID-19 xəstəliyə qarşı peyvənddir.
YeniAvropa xəbər verir ki, bunu Nazirlər Kabineti yanında Operativ Qərargahın bu gün keçirdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) şöbə müdiri Yaqut Qarayeva deyib.
"Ölkəmizin mövqeyi odur ki, peyvənd mütləq olaraq təsdiq olunmuş, zərərsiz və Ümumdünya Səhiyyə Təşkilatı tərəfindən qəbul olunmuş peyvənd olmalıdır. Ötən həftə bununla bağlı GAVI təşkilatı onlayn toplantı keçirib. Təşkilatın əsas məqsədi zərərsiz, keyfiyyətli peyvəndlərin əlçatan olmasıdır. Azərbaycan da bu təşkilatın üzvüdür. Keçən həftə 150 ölkənin iştirak etdiyi toplantıda ölkəmizi TƏBİB-in İdarə Heyətinin sədri Ramin Bayramlı təmsil edib. Ölkəmiz tez bir zamanda təsdiq olunmuş peyvəndin alınıb gətirilməsi ilə bağlı işlər aparır", - deyə Y.Qarayeva qeyd edib.
9037
9037
