logo

Paytaxtda qeyri-qanuni fəaliyyət göstərən obyekt müəyyən olunub

12:20 04-07-2020 | icon 791
Paytaxtda qeyri-qanuni fəaliyyət göstərən obyekt müəyyən olunub

Bakı şəhər İcra Hakimiyyəti, rayon icra hakimiyyətləri, polis və İqtisadiyyat nazirliyinin əməkdaşlarının iştirakı ilə paytaxtda karantin rejimi qaydalarına əməl edilməsi ilə bağlı monitorinqlər və reydlər davam etdirilir, ticarət obyektlərində, məhəllələrdə, insanların sıx toplaşdığı digər ərazilərdə maarifləndirici söhbətlər aparılır. Bu tədbirlər zamanı bir sıra nöqsanlar aşkar edilmiş ticarət obyektlərinin sahiblərinə və fiziki şəxslərə cərimələr tətbiq olunub.

Bu barədə YeniAvropa-ya Bakı şəhər İcra Hakimiyyətinin mətbuat xidmətindən məlumat verilib.

Mobil qrup tərəfindən həyata keçirilən reydlər zamanı Səbail rayonu, Badamdar qəsəbəsi, Göyüş Qarayev küçəsində qeyri-qanuni fəaliyyət göstərən “Green Pub” adlı ictimai-iaşə obyekti müəyyən olunub və onun fəaliyyəti dayandırılıb.

Obyektin sahibi Mehdixan Xəlil oğlu Həsənov və onun kirayəşinləri barədə müvafiq tədbirlər görülüb.