Qazaxıstan martın 1-dən İrana aviareysləri dayandırır.
YeniAvropa yerli mətbuata istinadla xəbər verir ki, Qazaxıstan baş sanitar həkimi Jandarbek Bekşin KİV-ə müsahibəsində İranda olan Qazaxıstan vətəndaşlarını martın 1-dək ölkəyə qayıtmağa çağırıb.
Qeyd edək ki, daha əvvəl Qazaxıstanın baş sanitar həkimi vətəndaşları Yaponiya, İtaliya, Sinqapur, Cənubi Koreya, Tailand, Malayziya kimi ölkələrə getməməyə, aldıqları təyyarə biletlərini geri qaytarmağa çağırmışdı.
O, həmçinin bildirib ki, idarələrarası komissiyanın iclasında bu ölkələrə uçuş üçün alınan biletlərin dəyərinin vətəndaşlara qaytarılması barədə qərar qəbul olunub.
2562
2562
