Prezident İlham Əliyev dekabrın 14-də Sabirabad rayon İcra Hakimiyyətinin başçısı Siraqəddin Cabbarovun təltif edilməsi haqqında sərəncam imzalayıb.
YeniAvropa xəbər verir ki, bu barədə prezidentin mətbuat xidməti məlumat yayıb. Sərəncamda deyilir:
"Azərbaycan Respublikasının ictimai-siyasi həyatında fəal iştirakına görə Siraqəddin Nəcəf oğlu Cabbarov 2-ci dərəcəli “Vətənə xidmətə görə” ordeni ilə təltif edilsin" .
Xatırladaq ki, sabah Siraqəddin Cabbarovun 60 yaşı tamam olur.
Siraqəddin Nəcəf oğlu Cabbarov 15 dekabr 1959-cu ildə İmişli rayonunda anadan olub. 1981-cı ildə Azərbaycan Politexnik İnstitutunu bitirib. İxtisasca mühəndis-mexanikdir. Əmək fəaliyyətinə 1981-ci ildə Bakı Metaləritmə zavodunda mühəndis-texnoloq kimi başlayıb.
28 avqust 1989-cu ildən 25 aprel 2008-ci ilədək Binəqədi rayon İcra Hakimiyyəti başçısı aparatında Mənzil sahələrinin qeydiyyatı və bölüşdürülməsi şöbəsinin müdiri, Təsərrüfat şöbəsinin müdiri, Sosial-iqtisadi məsələlər şöbəsinin müdiri və Binəqədi RİH başçının müavini vəzifələrində çalışıb. 25 aprel 2008-ci ildən 17 may 2019-cu ilə qədər Saatlı RİH başçısı vəzifəsində çalışıb.
Prezidentin 17 may 2019-cu il tarixli sərəncamı ilə Sabirabad rayon İcra Hakimiyyətinin başçısı təyin edilib.
Yeni Azərbaycan Partiyasının üzvüdür. Ailəlidir.Beş övladı var.
2877
2877
