"Bu gündən qanunvericiliyə uyğun olaraq növbədənkənar parlament seçkilərinin rəsmi startı başlayır. YAP vaxtı çatanda öz siyahısını elan edəcək".
YeniAvropa xəbər verir ki, bu fikri YAP-ın sədr müavini- icra katibi Əli Əhmədov jurnalistlərə müsahibəsində səsləndirib. O qeyd edib ki, həmin siyahı əsasında da YAP seçki kampaniyasını uğurla həyata keçirəcək.
"Bizim hələ vaxtımıza var. Hazırda siyahı üzərində iş gedir. Zamanı çatanda siyahı açıqlanacaq. YAP-ın namizədlər siyahısında tanınmış adamlar olacaq. Hesab edirəm ki, burada yeni və əvvəlki tərkibində olan simaları da görəcəksiniz. Düşünürəm ki, vətəndaşımız YAP-ın təqdim edəcəyi siyahının kifayət qədər ümidverici və Azərbaycan parlamentinin fəaliyyətinin daha da artırılmasına kömək edəcək insanlar olacağını görəcək və inanacaqlar",-deyə Ə.Əhmədov vurğulayıb.