logo

Özbəkistanda parlament seçkilərinə start verilib

10:11 21-09-2019 | icon 245
Özbəkistanda parlament seçkilərinə start verilib

Özbəkistan Ali Məclisinə və yerli sovetlərə seçkilərə start verilib və seçkiqabağı kompaniya başlanıb.

YeniAvropa yerli mətbuata istinadla xəbər verir  ki, bu barədə Daşkənddə keçirilən brifinqdə Özbəkistan Mərkəzi Seçki Komissiyasının sədri Mirzəuluqbek Abdisalamov bildirib.

O deyib ki, seçkilər 2019-cu il dekabrın 22-nə təyin olunub. Özbəkistanda seçki hüququ olan 20 milyon vətəndaş var, 2 milyon gənc isə birinci dəfə səs verəcək.

Komissiya sədri diqqətə çatdırıb ki, Özbəkistanda fəaliyyət göstərən beş siyasi partiya seçkilərdə iştirak edəcək. Bunlar “Milli dirçəliş” Demokratik Partiyası, Xalq Demokratik Partiyası, Özbəkistan Liberal Demokrat Partiyası, “Ədalət” Sosial-Demokrat Partiyası və Özbəkistan Ekoloji Partiyasıdır.