Azərbaycan Türkmənbaşı iqtisadi forumunaa ciddi hazırlaşıb
Azərbaycan Respublikasının xarici işlər naziri Elmar Məmmədyarov “Vneşnyaya politika i diplomatiya Turkmenistana” jurnalına müsahibə verib.
YeniAvropa həmin müsahibəni təqdim edir.
- Cənab nazir, Siz Türkmənistan Prezidentinin Aktau şəhərində Xəzəryanı ölkələrin dövlət başçılarının V Zirvə toplantısında səsləndirdiyi I Xəzər İqtisadi Forumunun keçirilməsi təşəbbüsünü necə qiymətləndirirsiniz?
- İlk növbədə fürsətdən istifadə edib, Türkmənistan xalqına ən səmimi istəkləri çatdırmaq və sizi bir daha Azərbaycanda ölkənizə ənənəvi olaraq daim hiss etdiyimiz dostluq münasibətlərinə, qardaşlıq hisslərinə əmin etmək istərdim. Bizi tarixən ümumi köklər birləşdirir, coğrafi baxımdan biz Xəzərlə bağlıyıq. Xəzər xalqlarımızın taleyində həmişə mühüm rol oynayıb. Odur ki, heç də təsadüfi deyil ki, istər Azərbaycanda, istərsə də Türkmənistanda Xəzər dənizinin, habelə sahilyanı ölkələr arasında beynəlxalq əməkdaşlığın potensialının açılmasına belə böyük əhəmiyyət verilir.
Bununla əlaqədar olaraq, biz öz tərəfimizdən Xəzər İqtisadi Forumunun çağırılması haqqında Türkmənistan Prezidentinin təşəbbüsünü alqışlayırıq. Bu təşəbbüs tərəfimizdən qəbul edilmiş və beş Xəzəryanı ölkə arasında əməkdaşlığın Xəzəri sülh, mehriban qonşuluq və əməkdaşlıq zonasına çevrilməsini elan edən Konvensiyanın müddəalarını praktiki məzmunla dolğunlaşdırmaq naminə fəallaşdırılmasının yeni formatına çevriləcək.
- Gələcəkdə Xəzəryanı regionun iqtisadi inkişafında Azərbaycan Respublikasının rolunu və potensialını necə qiymətləndirirsiniz?
- Məlum olduğu kimi, sənayeləşmə erası başlayandan etibarən Bakı istər quruda, istərsə də dənizdə neft-qaz resurslarının mənimsənilməsinin pioneri və əsas mərkəzi olub. Bu, XIX əsrdə də, sovet dövründə də, dövlət müstəqilliyimizin bərpasından sonrakı dövrdə də belə olub. Biz regionumuzun zəngin iqtisadi potensialının açılmasında bu fəal iştirak xəttini davam etdirmək əzmindəyik. Əlbəttə, Azərbaycan Respublikası qonşu ölkələrlə sıx qarşılıqlı fəaliyyəti birgə səylərimizə ciddi təsir edən amil kimi nəzərdən keçirir. Biz həm ikitərəfli və üçtərəfli əsasda, həm də bütün Xəzəryanı dövlətləri birləşdirən əsasda qarşılıqlı faydalı kooperasiyanın müxtəlif formatlarına açığıq. Əsas məsələ budur ki, həyata keçirdiyimiz layihələr ölkələrimizin maraqlarına cavab versin və müxtəlif sahələrdə aramızda mövcud olan əməkdaşlığın daha da dərinləşməsinə xidmət etsin.
Azərbaycan öz iqtisadiyyatının strateji inkişaf kursunu, o cümlədən regional əməkdaşlığın birgə inkişafımızın əldə edilməsi naminə daha da genişlənməsi və dərinləşməsi kursunu bundan sonra da ardıcıl olaraq həyata keçirəcək.
-Cənab nazir, mümkünsə, 2019-cu il avqustun 12-də Türkmənbaşı şəhərində keçiriləcək Xəzəryanı Dövlətlərin İqtisadi Forumuna Azərbaycan nümayəndə heyətinin hazırlığı və qarşıdakı görüşlərdən, bu forumda qəbul ediləcək qərarlardan sizin gözləntiləriniz barədə bir neçə kəlmə deyə bilərsinizmi?
- Artıq qeyd etdiyim kimi, Azərbaycan Xəzəryanı ölkələrin iqtisadi əməkdaşlığının möhkəmlənməsinə və zəngin potensialının tam açılmasına çox böyük maraq göstərir. Zənnimizcə, biz Türkmənbaşıda keçiriləcək iqtisadi foruma yetərincə əsaslı şəkildə hazırlaşmışıq. Xəzəryanı ölkələrin əməkdaşlığının bu formatının işə salınmasından bizim əsas gözləntilərimiz qarşılıqlı fəaliyyəti regionda həyata keçirilən mühüm təşəbbüslər çərçivəsində konkretləşdirməkdən ibarətdir. Düşünürük ki, energetika, logistika və digər layihələrin intensivləşdirilməsi ölkələrimizin hər birinin və bütövlükdə Xəzər məkanının maraqlarına xidmət edəcək.
Türkmənistanlı həmkarlarımızı və tərəfdaşlarımızı bu mühüm təşəbbüs münasibətilə bir daha təbrik etmək istərdim. Əminəm ki, bu təşəbbüs həm Türkmənistanın, həm də Azərbaycanın və digər Xəzəryanı dövlətlərin inkişafı naminə nəzərəçarpacaq bəhrələr verəcək.
Si Cinpin-Blinken görüşü gərgin keçib
İlham Əliyev: Sülhə nail olmaq üçün çox yaxşı fürsətlər var
Azərbaycan-Ermənistan sülh danışıqlarını yüksək qiymətləndiririk-Prezident
“Ehtiyat zabit hazırlığı kursu”na növbəti qəbul başlayır
Minifutbol millimizə yeni idman direktoru təyin edilib
Azərbaycan Avropa üçün həm də yaşıl enerji təchizatçısı olacaq-İlham Əliyev
"Günəşli"də neft hasilatı dayandırılıb?
Sabah Bakıda 29° isti olacaq
Berlində Azərbaycan və Almaniya liderlərinin təkbətək görüşü olub
Avropa Parlamentinin qətnaməsində Azərbaycanla bağlı vəziyyət açıq şəkildə təhrif edilib-XİN
Türkiyə-Rusiya Birgə Monitorinq Mərkəzi vəzifəsinin öhdəsindən layiqincə gəlib-Kərim Vəliyev
Bakıda “Qida Təhlükəsizliyi” simpoziumu keçirilib
Uzun illər Avropa bazarlarına nəql ediləcək neft-qaz resurslarımız var
Naxçıvanda QHT-lərin IV İnkişaf və Mübadilə Proqramı keçiriləcək
Türkiyə-Rusiya Birgə Monitorinq Mərkəzinin bağlanış mərasimi keçirilib
İlham Əliyev Berlində “15-ci Petersberq İqlim Dialoqu”nun Yüksək Səviyyəli seqmentində iştirak edib
AFFA “Neftçi”nin şikayətini təmin etməyib
Astanada ŞƏT ölkələri müdafiə nazirlərinin görüşü keçirilir
Xəzərdə “Dalğa-2024” birgə taktiki təlimi başa çatıb
Avropa çempionatı:Bu gün 3 cüdoçumuz mübarizəyə qoşulur
Daha 39 ailə Füzuliyə köçürülüb
Azərbaycan nefti 88,90 dollara satılır
Nazir və komitə sədrlərinin may ayında vətəndaşların qəbulu CƏDVƏLİ
Astarada avtoxuliqanlıq edən sürücülər həbs olunub
Almaniya Azərbaycanı COP29-da dəstəkləməyə hazırdır