Beynəlxalq Münasibətlərin Təhlili Mərkəzinin(BMTM) nəzdində ermənişünaslıq tədqiqat bölməsinin açılması planlaşdırılır.
YeniAvropa xəbər verir ki, bu barədə BMTM-in İdarə Heyətinin sədri Fərid Şəfiyev avqustun 2-də keçirdiyi ilk mətbuat konfransında deyib.
“Ermənistanı hərtərəfli öyrənməliyik, onun siyasətini, iqtisadiyyatını, tarixini, ədəbiyyatını bilməliyik. Biz düşünürük, həmçinin Mərkəzdə erməni dili kursu açaq. Azərbaycanda erməni dilini bilən mütəxəssislər azdır. Ermənistan-Azərbaycan Dağlıq Qarabağ münaqişəsi ilə bağlı bir sıra araşdırmalar aparılır. Məqsədimiz münaqişə ilə bağlı həqiqətləri dünya ictimaiyyətinə, xüsusilə də beynəlxalq mütəxəssislərə çatdırmaq, onlarla sıx əməkdaşlıq etməkdir",-deyə Fərid Şəfiyev vurğulayıb.