logo

"Tokio-2020" Yay Olimpia Oyunlarına bilet alışı üçün qeydiyyat başlayıb

11:29 09-05-2019 | icon 791
"Tokio-2020" Yay Olimpia Oyunlarına bilet alışı üçün qeydiyyat başlayıb

2020-ci ildə Tokioda keçiriləcək Yay Olimpiya Oyunları və Paralimpiya Oyunlarına ilk biletlərin əldə edilməsi məqsədilə təşkil edilən xüsusi lotereyada iştirak etmək üçün qeydiyyat başlayıb.

 YeniAvropa xəbər verir  ki, bu barədə Oyunların Təşkilat Komitəsi məlumat yayıb. Qeyd edilib ki, biletlər xüsusi lotereya ilə əldə ediləcək. Lotereyanın iştirakçıları oyunların saytından qeydiyyatdan keçməli və Yaponiyada yaşamalıdır. Qaliblərin adları iyunun 20-də açıqlanacaq.

2019-cu ilin payızında isə biletlərin satışının ikinci turu başlayacaq. Həmin biletləri birinci turda müraciət edən, lakin qazana bilməyən şəxslər əldə edəcək. Biletlərin sərbəst satışına isə 2020-ci ilin yazında başlanılacaq.

Təşkilatçıların bildirdiyinə görə, tamaşaçılara çox da baha olmayan milyonlarla bilet təklif ediləcək. Biletlərin qiyməti 2500-8000 yen (təqribən 22-72 dollar) arasında olacağı bildirilir.

Xatırladaq ki, Olimpiya Oyunları 2020-ci il iyulun 24-dən avqustun 9-dək keçiriləcək.