Türkiyənin müxalifətdə olan Cümhurriyyət Xalq Partiyası (CHP) bu il iyunun 23-də keçiriləcək İstanbul Böyükşəhər Bələdiyyəsi sədrliyinə təkrar seçkilərdə öz namizədi ilə iştirak edəcək.
YeniAvropa xəbər verir ki, bu barədə Türkiyənin "NTV" telekanalı xəbər verib.Qeyd edilib ki, bununla bağlı qərarı CHP-nin sədri Kamal Kılıcdaroğlu açıqlayıb.
“Çox gözəl işlər olacaq. Heç kim narahat olmasın. Hər şeyə rəğmən, bu ölkəyə demokratiya gətirəcəyik. Demokratiya uğrunda mübarizə aparacağıq”, - o, vurğulayıb.
K.Kılıcdaroğlu bildirib ki, İstanbul Böyükşəhər Bələdiyyəsi sədrliyinə seçkilərin nəticələri ləğv edildikdən sonra CHP Məclisinin toplantısında bu qərar qəbul olunub.
Toplantıya İstanbul Böyükşəhər Bələdiyyəsinin sədri, mandatı ləğv edilən Ekrem İmamoğlu, CHP-nin İstanbul əyalət təşkilatının sədr Canan Kaftancioğlu və deputatlar qatılıblar.
2835
2835
