Tehran polisi Ramazan ayı ərzində ictimai yerlərdə oruc tutmadığını bəyan edən insanları cəzalandıracaq.
YeniAvropa yerli mətbuata istinadla xəbər verir ki, bu barədə Tehran polis idarəsinin rəisi Hüseyn Rəhiminin vətəndaşlara müraciətində qeyd edilib. Bildirilib ki, kafe və restoranların fəaliyyəti axşam namazına kimi qadağan ediləcək. Sifarişlə yemək hazırlayıb evlərə və iş yerlərinə çatdıran restoranlar isə polisdən xüsusi icazə aldıqdan sonra fəaliyyət göstərə bilərlər.
Polis rəisi onu da qeyd edib ki, otel və kinoteatrlar da iftardan sonra fəaliyyət göstərə bilərlər.
Xatırladaq ki, bu gecədən başlayaraq müsəlman aləmi müqəddəs Ramazan ayına qədəm qoyacaq.
3353
3353
