ABŞ prezidenti Donald Trampın bu ilin avqustunda onuncu dəfə baba olacağı gözlənilir.
YeniAvropa xarici KİV-lərə istinadla xəbər verir ki, Donald Trampın oğlu Erik və onun həyat yoldaşı Lara yenidən uşaq gözləyirlər.
“Lara və mən sevinclə elan edirik ki, avqust ayında ailəmizin daha bir üzvü dünyaya gələcək! Lyuk çox gözəl böyük qardaş olacaq”, - Erik Tramp özünün “Twitter” səhifəsində belə yazıb.
Qeyd edək ki, 2017-ci ilin sentyabrında cütlüyün bir oğlu oub. Buna qədər Ağ ev rəhbərinin 8 nəvəsi var idi. Onlardan 5-i prezidentin oğlu kiçik Trampın, 3-ü isə qızı İvankanın övladıdır.
Xatırladaq ki, Donald Tramp 3 dəfə ailə həyatı qurub: İvana Tramp (1977—1992), Marla Meyplz (1993—1999) və Melanya Tramp (2005-ci ildən). Bu evliliklərdən 5 uşağı var : Donald Tramp (kiçik) (1977), İvanka Tramp (1981) , Erik Tramp (1984), Tiffani Tramp (1993) və Berron Tramp (2006).
2954
2954
