FİFA futbol klublarının dünya çempionatında iştirak edən klub komandaların sayını yeddidən 24-ə yüksəldib.
YeniAvropa xəbər verir ki, bu barədə qərar təşkilatın Mayamidə keçirilən İcraiyyə Komitəsinin iclasında qəbul edilib. İclasdan sonra keçirilən mətbuat konfransında FİFA prezidenti Canni İnfantino deyib ki, yeni qaydalar 2021-ci ildən tətbiq ediləcək. Dünya çempionatında Avropadan 8 klub, Afrika, Asiya və Şimali/Mərkəzi Amerika qitələrinin hər birindən 3 klub, Cənubi Amerikadan 6 klub və Okeaniya Konfederasiyasından isə bir klub təmsil olunacaq.
C.İnfantino həmçinin qeyd edib ki, iyunda Parisdə keçiriləcək FİFA Konqresində 2022-ci ildə Qatarda keçiriləcək futbol üzrə dünya çempionatının final mərhələsində iştirak edəcək komandaların sayının da artırılması haqda yekun qərar qəbul ediləcək. Belə ki, final mərhələsində iştirak edəcək milli komandaların sayının 32-dən 48-dək atrırılması nəzərdə tutulur.
3255
3255
