Astanada şahmat üzrə dünya çempionatının açılış və püşkatma mərasimləri keçiriləcək
Bu gün Qazaxıstanın paytaxtı Astana şəhərində kişilər və qadınlar arasında şahmat üzrə komandalararası dünya çempionatının açılış və püşkatma mərasimləri keçiriləcək.
YeniAvropa xəbər verir ki, ölkəmizi bu nüfuzlu yarışda yalnız kişilərdən ibarət yığma komanda təmsil edəcək. Milli komandamız yarışda iştirak etmək hüququnu son Avropa çempionu kimi qazanıb.
Kişilərin yarışında Azərbaycan yığması ilə yanaşı, Rusiya, Çin, İngiltərə, Hindistan, ABŞ, İran, Qazaxıstan, İsveç və Misir yığmaları mübarizə aparacaqlar.
Qadınlar arasında yarışda isə Rusiya, Ukrayna, Çin, Gürcüstan, Hindistan, Qazaxıstan, Macarıstan, ABŞ, Misir və Ermənistan komandaları çıxış edəcəklər.
Dairəvi sistem üzrə 9 turdan ibarət turnirin birinci turunun oyunları martın 5-də keçiriləcək. Çempionat martın 14-dək davam edəcək.
3640
3640
