Türkiyədə səfərdə olan Gürcüstan parlamentinin sədri İrakli Kobaxidze Türkiyə Böyük Millət Məclisinin sədri Binəli Yıldırımla görüşüb.
YeniAvropa yerli KİV-ə istinadla xəbər verir ki, görüşdə iki ölkənin qanunverici orqanları arasında əməkdaşlıq, regional təhlükəsizlik və digər məsələlər müzakirə olunub.
Türkiyə, Azərbaycan və Gürcüstanın birgə iştirakı ilə həyata keçirilən irimiqyaslı enerji və nəqliyyat layihələrinin dövlətlərimiz arasındakı əlaqələrin möhkəmlənməsində və xalqlarımızın rifah halının daha da yaxşılaşmasındakı rolu xüsusi qeyd olunub.
Tərəflər iki ölkə arasında mədəniyyət və turizm sahəsində əməkdaşlığın dərinləşməsinin vacibliyini qeyd ediblər.
Söhbət zamanı regional münaqişələrin sülh yolu ilə həlli və dövlətlərin ərazi bütövlüyünün bərpa olunmasının vacibliyi qeyd edilib.
3241
3241
