İstanbulda çökmüş səkkizmərtəbəli binanın dağıntılar altında ən azı 43 nəfər qaldığı güman edilir.
YeniAvropa "Anadolu" informasiya agentliyinə istinadla xəbər verir ki, İstanbulda Bankalar prospektindəki Cevizli məhəlləsi, Sema küçəsindəki çökmüş binanın 7 mərtəbəsində 14 mənzil olub.
Birinci mərtəbəsində atelye yerləşən bina 1992-ci ildə inşa olunub. Bina əvvəlcə beşmərtəbəli olub. Sonradan qanunsuz yolla onun üstündə əlavə üç mərtəbə tikilib. İlkin araşdırmalar əsasında ehtimal edilir ki, dağıntılar altında ən azı 43 nəfər qalıb.
Faciə yerində axtarış-xilasetmə işləri davam edir. Əraziyə əlavə texnika və canlı qüvvə cəlb olunub.
3052
3052
