Britaniya Gürcüstanla təhlükəsizliklə bağlı illik dialoqu və müdafiə üzrə digər müzakirələri dayandırıb.
YeniAvropa xəbər verir ki, bu barədə Britaniyanın Gürcüstandakı səfiri Qaret Uord KİV-ə müsahibəsində deyib.
O, bildirib ki, buna səbəb demokratik gerilmədir və Böyük Britaniya Gürcüstanın “anti-Qərb ritorikası”ndan narahatdır.
“Mən gözləyirdim ki, Gürcüstanın dayanıqlılığını artırmaq və rifahımızı gücləndirmək üçün birgə işləyəcəyik, lakin son bir ildə Gürcüstan Hökuməti fərqli bir yol seçib”, - deyə diplomat vurğulayıb.