AFFA-nın Hesabat-Seçki Konfransı işə başlayıb.
YeniAvropa xəbər verir ki, saat 10:00-da başlayan tədbirdə milli assosiasiyanın yeni rəhbərliyi və İcraiyyə Komitəsinin üzvləri seçiləcək.
AFFA prezidentliyinə cəmi bir nəfərin namizədliyi qeydə alınıb. Bu, hazırda “Neftçi” klubuna da rəhbərlik edən Azərbaycan Respublikası Dövlət Neft Şirkətinin (SOCAR) prezidenti Rövşən Nəcəfdir.
Konfransın gündəliyinə 6 məsələ daxildir.
Bunlar AFFA prezidenti tərəfindən iclasın açıq elan edilməsi, Konfransın tərkibinin yoxlanılması, AFFA-nın baş katibinin hesabat xarakterli məruzəsi, maliyyə hesabatları, müstəqil auditorun hesabatı və AFFA prezidenti vəzifəsinə, həmçinin İcraiyyə Komitəsinə seçkilərin keçirilməsidir.
Qeyd edək ki, AFFA-nın hazırkı prezidenti Rövnəq Abdullayev öz namizədliyini irəli sürməyib.
2303
2303
