Cari ilin yanvarın 1-nə olan məlumata gğrə, Azərbaycanın dövlət zəmanətli borcunun məbləği (daxili və xarici borc) 11 milyard 434,4 milyon manat və yaxud 2023-cü il üzrə ümumi daxili məhsulun (ÜDM) 9,3 %-i təşkil edib.
YeniAvropa xəbər verir ki, bu barədə Maliyyə Nazirliyindən bildirilib.
Məlumatda qeyd edilib ki, dövlət zəmanəti verilmiş borcun 10 milyard 208,8 milyon manatı (6 milyard 005,2 milyon ABŞ dolları) və yaxud 89,3 %-i xarici kreditlərin, 1 milyard 225,6 milyon manatı və yaxud 10,7 %-i isə daxili kreditlərin payına düşüb. Xarici dövlət zəmanətli borcun 4 milyard 440 milyon ABŞ dollarını və yaxud 73,9 %-ni (7 milyard 548 milyon manat) "Cənub Qaz Dəhlizi" QSC-nin öhdəlikləri üzrə verilmiş dövlət zəmanətidir.
Hesabat tarixinə dövlət zəmanətli borc portfelinin 52,4 %-ni sabit, 47,6 %-ni dəyişkən faiz dərəcəli borc təşkil edib.
Dövlət zəmanətli borc portfelinin valyuta tərkibi belə olub: ABŞ dolları– 64,1 %, avro – 22,2 %, manat – 7,1 %, yapon yeni – 4,2 %, digər valyutalar – 2,3 %.
Dövlət zəmanətli borcun 68,8 %-i 5 ilə qədər olan müddətdə, 17,4 %-i 5 ildən 10 ilə qədər olan müddətdə, 13,8 %-i isə 10 ildən yuxarı olan müddətdə kreditorlara qaytarılmalıdır.
Dövlət zəmanətli kreditlərin 15 %-i müxtəlif investorların, 5,6 %-i Dünya Bankının, 9,9 %-i Avropa İnvestisiya Bankının, 1,4 %-i İslam İnkişaf Bankının, 5,9 %-i Avropa Yenidənqurma və İnkişaf Bankının, 5,7 %-i Bank sindikatlarının, 4,2 %-i Yaponiya Beynəlxalq Əməkdaşlıq Agentliyinin, 10,7-i daxili kreditorların, 3,6 %-i Koreya İxrac-İdxal Bankının, 8,2 %-i Asiya İnfrastruktur İnvestisiya Bankının, 29,7 %-i isə digər kreditorların payına düşüb.
3570
3570
