logo

31 il əvvəl:Ermənilərin Şuşa yaxınlığında vurduğu mülki helikopterdə 44 nəfər həlak olub

17:57 28-01-2023 | icon 1589
31 il əvvəl:Ermənilərin Şuşa yaxınlığında vurduğu mülki helikopterdə 44 nəfər həlak olub

Otuz bir il əvvəl – 1992-ci il yanvarın 28-də, Qarabağ hadisələrinin ən qızğın vaxtında, Şuşanın Xəlfəli kəndi yaxınlığında göyərtəsində 44 nəfər olan mülki helikopter ermənilər tərəfindən vurulub.Bütün sərnişinlər, əksəriyyəti qadın və uşaqlar olmaqla 41 mülki şəxs və üç ekipaj üzvü faciəvi şəraitdə həlak olub.

YeniAvropa xatırladır ki,bu, Azərbaycanın görkəmli dövlət xadimlərinin və jurnalistlərinin həyatına son qoyan Qarakənd faciəsindən (20 noyabr 1991-ci il) sonra ikinci analoji faciə idi. Bir ay keçməmiş Xocalı soyqırımı baş verdi…

O uzaq yanvar günü daha sonra erməni silahlıları tərəfindən nişana alınan Azərbaycan mülki aviasiyasına məxsus Mİ-8 helikopteri Ağdamdan mühasirədə olan Şuşaya uçuşlar edirdi. Saat 16:20-də iki uğurlu uçuşdan sonra helikopter yenidən havaya qalxsa da, eniş zamanı o, Xankəndi istiqamətində zenit-raket kompleksindən buraxılan “Stringer” termal raketi ilə vuruldu. Ekipaj komandiri Viktor Seryogin enən yanan bortu Şuşa şəhərinin yaşayış məntəqələrindən uzaqlaşdıraraq, rayona çatdırmağa nail olub.

Azərbaycanın Milli Təhlükəsizlik Nazirliyi helikopterin qəzaya uğramasını terror aktı kimi xarakterizə edib. Erməni tərəfi, raketin buraxılması faktını inkar etməyərək, öz hərəkətlərini erməni yaşayış məntəqələrinə hücum üçün helikopterlə silah daşınmasının mümkünlüyü ilə izah edib.

Helikopterin ekipaj üzvləri - Viktor Seryogin (komandir), Səfa Axundov (pilot) və Arastun Mahmudov (bortmexanik) ölümündən sonra Azərbaycanın Milli Qəhrəmanı adına layiq görülüblər. Hər üçü Bakıdakı Şəhidlər xiyabanında dəfn olunub, onların xatirəsi məktəb, küçə və abidələrin adlarında əbədiləşdirilib.